Алматы облысында 100 орындық балабақша ашылды


Бүгін ел Тәуелсіздігінің 30 жылдығы аясында Алматы облысы, Жамбыл ауданы, Мыңбаев ауылында ҚР Конституциясы күніне орай 100 орындық балабақшаның ашылу салтанаты өтті.
Ашылу салтанатына Жамбыл ауданының әкімі Нұрлан Ертасұлы қатысып, жаңа бөбекжайдың лентасын қиды. Ол өз сөзінде, өңірде өсіп келе жатқан ұрпақтың дамуы үшін барынша қолайлы жағдайлар жасалып жатқанын атап өтті.
«Бүгін біз үшін қуанышты күн. Өскелең ұрпақтың физикалық және рухани дамуы үшін барлық жағдай жасалған заманауи балабақша ашамыз, кішкентай қала тұрғындарына, олардың ата-аналарына және ұжымға сәттілік пен табыс тілеймін»,- аудан әкімі Нұрлан Ертасұлы.

Жаңа балабақша “Айжулдыз” қазіргі заманғы талаптарды сақтай отырып салынды. Білім беру мекемесінде балалардың белсенді қозғалысы мен дамуына барлық жағдай жасалған – ойын алаңдары, әр топқа арналған жатын бөлмелер, ойын бөлмелері, асхана, музыка және спорт залдары. Сондай-ақ, психолог кабинеттері мен медициналық пункт бар. Ғимарат барлық қажетті жабдықтармен жабдықталған.
Осындай әдемі ғимараттың ашылуына ауыл тұрғындары да қуанышты.
“Біздің болашақ ұрпағымызға үлкен көңіл бөлінгеніне қуаныштымын. Олардың дамуы,білімі және өсуі үшін барлық жағдайлар жасалуда. Біздің ауылға балабақша керек болды, өйткені демократиялық көрсеткіштер жыл сайын өсіп келеді. Облыс әкіміне біздің тілектерімізді қалдырмағаны және жетісулықтардың армандарын жүзеге асырғаны үшін рақмет”, – деп қуанышымен бөлісті Мыңбаев ауылының тұрғыны, көпбалалы ана Салтанат Молдашева.

Айта кету керек, Жамбыл ауданында балалардың 99,7% – ы балабақшамен қамтылған. Өңірде барлығы 10 мыңнан астам баланы қамтитын 116 мектепке дейінгі білім беру орталықтары бар. Сонымен қатар, 18 мемлекеттік және 85 жекеменшік балабақша бар.

Мәліметпен бөлісу: