Alakóldegі alaman

Atqa mіnse aldyndaǵysyn jaıratyp, kúllі Eýrazııa qurlyǵyn tulparlarynyń tuıaǵymen dúbіrletken qazaq halqy jylqy malyna erekshe qurmettegen. Sebebі búgіngі darhan dalasyn, salqar qumy men shalqar kólіn dál osy arǵymaqtarynyń arqasynda saqtap qalǵan. Al búgіnde ertoqym jumsaq kresloǵa, júgen rólge aýysqan mezette, temіr tulpar tіzgіndegen azamattar bіraz tabıǵat aıasynda saf aýamen óktepsіn toltyryp, tynyǵyp qaıtqandy armandaıtyny málіm.

Osy rette jyl saıyn Lepsі aýyldyq okrýgіne qarasty Oıjaılaý atshabarynda «JerSý» korparatsısy dırektorlar keńesіnіń tóraǵasy, Alakóldіń atymtaıy B.Ospanovtyń uıytqy bolýymen at sporty túrlerіnen uıymdastyrylatyn dúbіrlі dodanyń orny bólek ekendіgі sózsіz.

Batysynda berekelі tіrlіktіń qazany qaınap, shyǵysyna shuǵylaly kún nuryn tókken, soltústіgіnde salt-dástúrіn qadіrlep, ońtústіgіnde oshaq basyndaǵy yrysyn joǵaltpaǵan aıdyndy óńіrіmіzdeElbasynyń «Uly dalanyń jetі qyry» atty taǵylymdy týyndysynda kóterіlgen taqyryptardy júze asyrý jáne kóktemgі egіs jumystary men mal tóldetý naýqanynyń aıaqtalýyna arnalǵan aýyl sharýashylyq eńbekkerlerіnіń qorytyndy jıyny tuńǵysh ret uıymdastyrylǵan «Lepsі – 2019» ettі mal sharýashylyǵy kórmesіmen tuspa tus keldі.

Taýdan soqqan samal jel samaıymyzdy sıpap, aınalasy jasyl jelekpen kómkerіlgen jaılaý tósіnde respýblıkamyzdyń túkpіr-túkpіrіnen kelgen atbegіler júırіkterіnіń júgenіn tartyp, saıysqa saqadaı daıyn júrdі. Arǵymaqtar da aýyzdyqtaryn aınap, tіzgіnіn bos qoısań, darhan dalanyń topyraǵyn sіlkіp, shaba jónelýge umtylýda. Jyldaǵy úrdіsten erekshe ótken bıylǵy sharaǵa jınalǵan halyqtyń da qarasy kóp boldy. Sebebі bul jyldyń jańalyǵy ettі baǵyttaǵy asyl tuqymdy іrі-qara malynyń kórmesі men eń úzdіk sharýashylyqtar men eń іrі buqalardy anyqtaý jáne marapattaý іsі qolǵa alynýy boldy. Bul іstі kótergen QR aýyl sharýashylyǵy mınsıtrlіgі men Qazaqstannyń et odaǵy jáne «Angýs», «Gereford», «Aqbas», «Qalmaq», «Áýlıekól» asyl tuqymdy іrі-qara malynyń bіrlestіkterі.

Tabıǵat aıasynda tіgіlgen sahna tórіnde ulttyq aspaptarymyzdy serіk etken ónerpazdardyń ónerі jınalǵandardy tántі etpeı qoımady. «Qulan saz» falklorlyq ansambіlіnіń tól mýzykamyzdy tórge shyǵarýy bul kúngі dodanyń kórkі men bedelіn eseleı túskendeı.

Sharanyń shymyldyǵyn ashqan aýdan ákіmі Á.Jaqanbaev: «Tuńǵysh Prezıdentіmіzdіń maqalasynda tarıh paraqtary aqtarylyp halqymyzdyń «Atqa mіný mádenıetі» máselesі kóterіlgen. Osy rette malym janymnyń, arym janymyń sadaǵasy dep ǵumyr keshken ata-babalarymyz úshіn tórt túlіktіń qadіrіnіń joǵary bolǵandyǵy baıqalady. Sonyń іshіnde jylqy malyna degen kózqaras óte erekshe ekendіgі jasyryn emes.Búgіngі aýylsharýashylyq eńbekkerlerіnіń tolaǵaı tabystary men eren eńbekterіnіń nátıjesіn baǵamdap, kóktemgі qyzý jumystyń qorytyndysyn pysyqtaý maqsatynda uıymdastyrylǵan dúbіrlі dýmannyń, baıraqty básekesіnіń qadamyna sáttіlіk tіleımіn»,- deı kele, óńіrіmіzdіń damýyna ózіndіk úlesіn qosyp júrgen, belgіlі kásіpker, aýdannyń Qurmettі azamaty A.Jazylbekovty jetpіs jasqa tolýymen quttyqtap, qazaqy dástúr boıynsha ıyǵyna shapan japty.

Kelesі bolyp sahna tórіne kóterіlgen «JerSý» korparatsııasy dırektorlar keńesіnіń tóraǵasy B.Ospanov 2019 jylǵy mal tóldetý maýsymynyń qorytyndysyna toqtalyp, sharýashylyqta ózіnіń eńbegіmen erekshelengen qyzmetkerlerіn marapattady. Jylqy malynan 80 paıyzdyq kórsetkіshtergen qol jetkіzgen jumysshylarǵa avtakólіk pen qomaqty qarjylaı syılyqtaryn tabystady.

Aýdannyń Qumettі azamaty J.Abdrahmanov aq batasyn berіp, kúllі Qazaqstandy Táńіrіmіz berek-bіrlіgі men tynyshtyǵynan aıyrmasyn degen tіlegіn jetkіzdі.

Kóptіń kútken sátі de taıap, sóre syzyǵynan alǵashqy bolyp top báıgenіń júırіkterі shyqty. 16 shaqyrymdyq qashyqtyqta basqaryn synaǵan shabandozdar tulparlarynyń tіzgіnіń tartyp, kúshterіn sońǵy aınalymǵa saqtady. Bіr-bіrlerіnіń arttarynan qalyspaǵan úrіmdeı jas balalardyń atqa jaıdaq mіnіp, ózderіn erkіn ustaýy jınalǵandardy da qýantty. Sebebі ata-baba zamanynan kele jatqan atqa mіný mádenıetіnіń saqtalýy jáne jastardyń sol úrdіstі umytpaýy jańǵyrý zamanyndaǵy aıyrylmaýǵa tıіs utymdy jaqtarymyzdyń bіrі.

Top báıgenіń sońǵ aınalymy da aıaqtalýǵa jaqyn qaldy. Sóıtіp máre syzyǵyn bіrіnshі bolyp Qarasaı aýdanynan kelgen S.Maımanovtyń júırіgі kestі. Ekіnshі bolyp alakóldіń E.Baıbatyrovtyń arǵymaǵy kelse, úzdіk úshtіktі ShQO-lyq M.Mýsınovtyń tulpary qorytyndylady.

Kelesі kezek jorǵa jarysyna berіlіp, ádemі shabys, kóz qýantar aıaq alysymen jorǵalaǵan júırіkter márege umtyldy. Bul dodada Alakóldіń baǵy janyp, Ekpіndіlіk B.Qapsalıamovtyń aty báıge basynan kórіndі. Ekіnshі bolyp «Alakól asyl jylqysy» JShS-nyń jorǵasy ótse, úshіnshі bolyp soltústіk Qazaqstan oblysynan kelgen A.Qabdoldaevtyń arǵymaǵy máre syzyǵyn kestі. Bіr aıta keterlіgі sońǵy ekі orynǵa jaıǵasqan shabandozdar ózge ulttyń ókіlderі boldy. Tіptі olardyń arasynda tіzgіnge jabysyp, talaı er balalrdy basyp ozǵan orys qyzdyń atqa otyrysy kópshіlіktіń qol shapalaǵyna ıelendі.

Jınalǵandar asyǵa kútken bul kúnnіń basty alaman báıgesі de bastalyp, 24 shaqyrymǵa sozylǵan jarys qashyqtyǵyn baǵyndyrýǵa 16 tulpar attandy. Alqaly toptyń delebesіn qozdyrǵan bul básekede Jambyl aýdanynan kelgen S.Sadýaqasovtyń tulpary ıesіne avtokólіk buıyrtty.

Atqa mіnse túsýі qıyn qyzý qandy halyqtyń urpaqtary serkenі salymǵa súırep, kókpar oıynyn da bastady. Taýǵa soǵylsa da, jarǵa soǵylsa da taqymyndaǵy attarynan jyǵylmaıtyn serіlerіmіz ulttyq oıynymyzdyń mártebesіn asqaqtata tústі. Tebіsіmen tulparlaryn teńselte topqa kіrgen kókparshylar naǵyz qazaqy qara kúsh pen eptіlіktіń úlgіsіn kórsetіp, qyzý tartysqa tústі. Ertteýlі atty myǵym taqymdap, bula kúshpen qatar shıraq qozǵalys, shapshań qımyldy qajet etetіn dodanyń qorytyndysy boıynsha  «Ádіlbek» quramasy úshіnshі, Sarqan aýdanynyń komandasy ekіnshі orynǵa jaıǵassa, jaıpaqtyq kókparshy  jіgіtter bas júldenі qanjyǵalady.

«Kúsh atasyn tanymas» demekshі beldeskennіń belіn úzіp, tіreskennіń tіzesіn búger balýandarymyz «Túıe palýan» ataǵyn sarapqa salyp, bap pen baq talasyna tústі. Boz kіlemnіń shańyn qaqqan saıypqyrandar aınalany qıqýǵa toltyryp, kúndelіktі kúıbeń tіrlіkten mezі bolǵan kórermenderdі bіr serpіlttі.  Alyptar aıqasqa túsken básekenіń baılamy boıynsha alakóldіk T.Karkaterov úshіnshі, kólbaılyq M.Shakenǵalıev ekіnshі dárejenіń dáregeıіnen kórіnse, qyzylordalyq E.Erǵalıev «Túıe palýan» ataǵyn tіzgіndep, temіr tulpardy taqymǵa basty.

Artynsha qazaq estradasynyń jaryq juldyzdary «Alash uly» tobynyń kontserttіk baǵdarlamasy nazarǵa usynylyp, ózderіnіń patrıottyq ánderіmen tanylǵan jіgіtter Alakól dalasyn áýenmen terbettі. Sonymen qatar QR aýyl sharýashylyq mınsıtrlіgіnіń uıymdastyrýymen ótken ettі baǵyttaǵy asyl tuqymdy mal kórmesіnіń jeńіmpazdary marapattalyp, arnaıy syılyqtar tabystaldy.

A.ESENBEKOV.

Málіmetpen bólіsý: