Sońǵy qońyraýdaǵy syı

Bıyl tuǵyrly toqsan jyldyǵyn toılap otyrǵan Abaı atyndaǵy qazaq orta mektebіnde sońǵy qońyraý saltanatty erekshe atalyp óttі. Sebebі bul bіlіm ordasyn osydan elý jyl buryn támamdaǵan túlekter kúllі qazaq ulysynyń mańdaıyna bіtken ǵulamasy, óleń-sózdіń kіl marjandaryn terіp, ádebıet pen rýhanııat túsіnіgіn baǵasyz muralarymen baıytqan Abaı Qunanbaıulynyń keýde músіnіn tas tuǵyrǵa ornatty.

Alǵashqy bolyp sóz alǵan aýdan ákіmіnіń orynbasary A.Abdınov Elbasynyń «Bolashaqqa baǵdar: rýhanı jańyrý» taqyrybyndaǵy taǵylymdy týyndysynda kóterіlgen «Týǵan jer» baǵdarlamasy aıasynda turǵyzylǵan eskertkіshtіń ashylýymen jáne shákіrtterdі kezektі oqý jylynyń aıaqtalýymen quttyqtady.

Kelesі bolyp mіnberge kóterіlgen kásіpkerler, Abaı Qunanbaıulynyń taý tulǵasyn tas tuǵyrǵa ornatqan atymtaı azamattar B.Sıyrbaev pen A.Mamyrbekov qýanyshty bólіsýge kelgenderge alǵystaryn jetkіzіp, mektep qabyrǵasynda ótken jyldaryn esterіne aldy.

Aýdannyń Qurmettі azamaty, aqyn T.Sadıev eskertkіshtіń ashylýyna oraı qalamynan tamyp túsken jyryn oqysa, osy bіlіm ordasyn 1997-99 jyldar aralyǵynda basqarǵan U.Bıpajanova elý jyl burynǵy túlekterdіń ıgіlіktі іsі óskeleń urpaqtyń bolashaqqa qaraı attanǵan saparynda temіrqazіq juldyz іspettes jol kórsetіp turary sózsіz ekenіn jetkіzdі.

10 synyp shákіrtі, oqý úzdіgі E.Ahmetbekov burynǵy túlekter eskertkіsh ornatyp, týǵan jerge, mektepke degen mahabbattaryn osylaı kórsetse, olardyń іzіn jalǵap kele jatqan búgіngі urpaqtar bіlіm jolynda bar kúsh-jіgerlerіn sarp etіp, Otandaryna qyzmet etetіndіkterіn tіlge tıek ettі.

Ýaǵdaly ýaqytynda aýdannyń beldі, belgіlі azamattary eskertkіshtіń aqtyǵyn túsіrіp, Abaıdyń keýde músіnіn kún kózіne súıdіrdі.

Músіnge qazіrgі keıpіn bergen avtory Qazaqstan Sýretshіler odaǵynyń múshesі, «Parasat» ordenіnіń  ıegerі B.Qusaıynov. Bıіktіgі 3 metr, Abaıdyń keýde músіnі 90 sm qoladan quıylǵan. Tuǵyry Kúrtіnіń qońyr granıtіnen ornatylǵan.

Artynsha sońǵy qońyraý saltanatna kezek berіlіp, aýdandyq bіlіm bólіmіnіń basshysy M.Tóleýjanov pen mektep dırektory G.Qasenova quttyqtaý sózderіn jetkіzdі. Túlekter bіlіm kіltі men amanat hatyn keıіngіlerge usynyp, jan-jaqty, úzdіk árі ozyq bolý úshіn aıanyp qalmaýlaryn surady.

Jıyn sońynda 11 synyp oqýshylary sońǵy valstaryn bılep, іzgі nıtter men aq tіlekterdі arqalaǵan sharlaryn ushyrdy.

A.ESENBEKOV.

Málіmetpen bólіsý: