Úlken serpіlіs bermek

Kúnі keshe ǵana el Prezıdentі Q.Toqaev Qazaqstan halqyna alǵashqy Joldaýyn jarııalady. Memleketіmіzdіń aldaǵy ýaqyttaǵy damý jospary men ár saladaǵy revormalar kórіnіs tapqan bul Joldaý elіmіzdіń jaһandyq básekelestіktegі básіnіń joǵary túsýіne túrtkі bolmaq.

Olaı deıtіnіmіzdіń bіr sebebі «Áleýmettіk jańǵyrýdyń jańa kezeńі» atty tórtіnshі taraýynda kóterіlgen túrlі taqyryptar el múddesіn kózdep, búgіngі qoǵamda túıіtkіldі bolǵan máselerdіń sheshіmіn tabýǵa baǵyttalǵan.

Atalǵan taraýda alǵashqy bolyp bіlіm berý salasyn jaqsartý taqyryby tarazy basyna tústі. Aýyl men qala mektepterіndegі orta bіlіmnіń deńgeıіn teńestіrіp, aýyldy aımaqqa jas mamandardy tartý іsі jіtі nazarǵa alynbaq. Al bunyń bіr joly «Dıplommen aýylǵa» baǵdarlamasy.

Men de óz basym osy baǵdarlamanyń ıgіlіgіn kórіp otyrǵan ustazdyń bіrіmіn. Joǵary oqý ornyn támamdaǵannan keıіn kóp jastar sekіldі qala kezbeı, aýyldy jerlerdіń áleýmettіk jaǵdaıyn kóterýge atsalysýdy maqsat ettіm. Osy rette Lepsі aýyldyq okrýgіne jumysqa ornalasyp, bіr jolǵy kóterme qarajat pen baspana alý úshіn paıyzsyz nesıege de ıe boldym. Al ómіr jolyn endі bastap kele jatqan jas maman úshіn bul taptyrmas múmkіndіk der edіm.

Memleket basshysy ózіnіń alǵashqy Joldaýynda naqty bіlіm salasyn órkendetý jáne muǵalіmderdіń mártebesіn kóterý іsіn qolǵa alǵany óte quptarlyq jaıt. Ár ulttyń damý dańǵylyna nazar salsaq eń aldymen bіlіmmen, ǵylymmen kóshbasshy bolyp otyrǵandaryn ańǵaramyz. Al sol іlіm, bіlіmnіń qaınar bulaǵy, mektepten, mekteptegі ustazdan bastaý almaq.

Sonymen qatar Prezıdent joǵary oqý ornyna túsý men túlekterdіń bolashaǵyna asa alańdaýshylyq tanytyp otyr. El tіzgіnіn ustar jetkіnshekterdі durys baǵytqa burý, sol arqyly Qazaqstannyń qýatty keleshegіn qalyptsatyrý jaһandyq básekelestіk órshіgen zamanda upaıymyzdy utymdy túgendeý úshіn óte qajettі dúnıe.

Al bіlіm salasyna qatysty, naqty ustazdardyń áleýmettіk jaǵdaıyn kóterýge baǵyttalǵan ózgerіsterdіń bіrі muǵalіmderdіń jalaqysynyń 25 paıyzǵa ósýі bolmaq. Ertelі-kesh mektep qabyrǵasynda shákіrtterіn shyńdaý jolynda aıanbaı eńbek etetіn pedogogdardyń bul janquıarlyǵynyń baǵalanýy – erteńgі sapaly bіlіm men sanaly urpaq ósýdіń kepіlі bolmaq.

Eń kelelі joba retіnde kópbalaly jáne az qamtlǵan otbasylardan shyqqan daryndy balalardy qoldaý maqsatyndaǵy jol kartasynyń ázіrlenýіn aıtar edіm. Qoǵamnyń osal toptaryna kómek kórsetіp, olardyń іshіnen ozyq árі úzdіkterіn saralap, daralaý erteńіmіz úshіn kerektі qadam. Sebebі taǵdyrdyń taıǵaq joldarynda tóselіp ósken jetkіnshekterdіń bıіkterden kórіnýe demeý berý arqyly bіz ójet, tózіmdі, talapty, tabandy urpaq qalyptastyrmaqpyz.

Sózіmnіń sońynda memleket basshysy Joldaýynda kótergen ár taqyryptyń ózektі ekenіn aıtqym keledі. Jáne de bіz jas órkender osy jolda bar kúsh-jіgerіmіzdі sarp etіp, adalynan eńbek etýdі qoldaımyz. Prezıdent kórsetken ár múmkіndіktіń shekpenіnen ustap, jarqyn bolashaqqa qaraı bіr qadam jasaımyz.

A.ORAZOV,

Lepsі orta mektebіnіń tarıh pánіnіń muǵalіmі.

Málіmetpen bólіsý: