Тұқымбақ – көшеттер мекені

Алакөл орман шаруашылығы коммуналдық мемлекеттік мекемесінде 48,0 – га аумағында тұрақты тұқымбақ бар, тұқымбақта екпе мен сеппе көшеттері өсіріледі, бұл өсірілген көшеттерді көктем және күз айларында сатып алушылардың сұранысын қамтиды. Кәзіргі таңда тұқымбақта Қарағай, Бал Қарағай, Ақ Қайың, Терек, Қарағаш, Емен, Шаған, Сыры қараған, Глядичия, Сібір шыршасы, Көгілдір шырша, Бозарша, Аморфа, Алмағаш, Жиде және тағыда басқа да ағаш түрлері өсіріледі. Тұқым бақта орманды молықтыру  мен орман қорына отырғызылатын көшеттер және қаланы жасылдандыру, көркейту мақсатында көшеттер өсіріледі. Қала, ауылды мекен тұрғындарына осы ағаш түрлерін отырғызып тұрғылықты жерлерін көгалдандыруға болады.

Ағаш отырғызу оны өсіру әр азаматтың елімізді көркейтуге қосқан үлесі деп санаймын. Ағаштың маңызын айтатын болсақ, қала және ауыл аймағының сыртына отырғызылған ағаштар тұрғылықты жерді желден қарлы бораннан, құм – тас көшуден, су жолдарында отырғызылған ағаштар су тасқынан, сел салдарынан қорғауға ықпал етеді, жол бойында отырғызылған ағаштар  темір және көлік жолдарын қар басудан сақтайды.

Әр жылдың көктемінде Алакөл орман шаруашылығы КММ көктемгі отырғызу жұмыстарын жүргізіп, ұсақ жапрақты карағаш көшеттері отырғызылады. 2017 жылы мемлекеттік орман қоры жеріне 48,5 га қарағаш көшеттері отырғызылды, осы жылдың күзінде 60,1 га жерге терек көшеттерін отырғызу жоспарланған.

Тұқым бақта өсірілетін ағаш түрлерін көбейтуге барылқ мүмкіндіктерді жасаймыз. Тқымбақтан көшет алам деп келушілерге есігіміз ашық, сатып алған көшеттерді ары қарай өсуіне барлық жағынан қолдау көрсетеміз. Біздің мекен жайымыз Үшарал қаласы, Қонаев көшесі 67 үй

Д.Жумкеев,

Орманды өсіру және қалпына келтіру инженері.

Мәліметпен бөлісу: