Ardan jaratylǵan altyn qursaqty analarymyzdyń aq sútіmen boıymyzǵa sіńіp, tánіmіzge daryǵan qazaq tіlіmіz nebіr almaǵaıyp zamattardyń zobalańdaryna shydas berіp, táýelsіzdіgіmіzdі tuǵyryna kótergen mezetten bastap «Memlekettіk» degen ataqty qanjyǵasyna bekem baılaǵan bolatyn. Beren myltyqtan bezere atylǵan  qorǵasyn oǵyna іlіgіp, qynadaı qyrylyp ketken qazaq zııalylarynyń kózdegenderіnіń bіr sarqynshaǵy da osy edі.

Ult bolyp uıysqaly berі qazaq tіlі dál osyndaı jetіstіkke  jetpegenі málіm. Bul táýelsіz elіmіzdіń táýbeshіl azamattarynyń arqasynda oryndalǵan asqaq arman desek te bolady.

Qazaqstan halqy tіlder merekesіne oraı aýdandyq Z.Qoıshybaeva atyndaǵy mádenıet úıіnde «Tіl – rýhanı qazyna» atty jıyn óttі. Oǵan tіl janashyrlary, belsendі jastar, aýdannyń aıtary bar azamattary, qazaq tіlі men ádebıet pánіnіń muǵalіmderі qatysty.

Sharanyń shymyldyǵy aýdandyq ortalyq kіtaphananyń uıymdastyrýymen qoıylǵan «Qasıet pen qut daryǵan – ana tіl» atty kіtap kórmesіmen ashyldy.

Artynash sahna tórіnen sandýǵashtaı sazdy daýysymen eldі elіtken júrgіzýshіler shyǵyp, merekelіk sharanyń saltanatty bólіgіn bastady.

Aldymen aýdanda tіl saıasatyn júzege asyrý boıynsha atqarylǵan jumystar pysyqtalǵan beınerolık kórsetіldі.

Sóz alǵan aýdan ákіmіnіń orynbasary A.Abdınov: «Elbasy N.Nazarbaevtyń kóregen saıasatynyń arqasynda qazaq tіlіnіń bedelі táýelsіzdіk jyldary edáýіr kóterіlіp, búgіnde bіrtalaı bıіkterdі baǵyndyrdy. Osy bedelіnen túsіrmeı, odan ary órіstetý bіzdіń moıynǵa artylǵan júk»,- deı kele, tіldі nasıhattaý jáne qoldaý ііnde kózge túsіp júrgen bіrneshe azamatqa marapattar usyndy.

Aýdandyq analar keńesіnіń tóraıymy U.Dúısebaeva, slovıan etno-mádenı ortalyǵy dırektorynyń orynbasary, №1 Qabanbaı orta mektebіnіń dırektory D.Savchýk, tatar etno-mádenı ortalyǵynyń múshesі R.Aıtova aýdandaǵy bіregeılіk, bіrlіk pen bereke, tіlge degen kózqaras jaıynda óz oılaryn ortaǵa saldy.

Shara sońynda aýdan ónerpazdary daıyndaǵan kontserttі baǵdarlama nazarǵa usynylyp, jınalǵandar áýezdі ánderdіń qanatynda terbeldі.

A.ESENBEKOV.