Бұл күндері ұлт болып шешуге тиіс мәселе ретінде қаралып отырған жайттардың бірі – қазақ тілінің латын әліпбиіне көшуі. Мұны біреулер ел үшін игі қадам деп тапса, кейбіреулер мүлде жөн көрмейді. Елбасы жолдаған жаңаша жаңғыруға негізделген істің басты идеологиясы – төл құндылығымызды осы заманның ақпарат тіліне айналдыру.

Иә, «латын қарпі» дегенде алдымен ойымызды алаңдау қориды. Алайда, мен уайымға сай ретті мүлде көріп тұрғаным жоқ. Әрине, бәрі бірден бола салмайды. Қарап отырсақ, жаһандану дәуірімен ілесіп қатар жүру- дамыған елдің танауына таныс иіс.

«Даму» бағдарламасында жоғары білімді демократияландыру жөнінде біраз сөз сапталған. Былайша айтқанда, оның аумағын кеңейтуге негіз іздеуде. Ал бұл іс бара-бара бұқаралық технологияға бетбұрыс жасауда. Айналып келгенде аталған жұмыс мана жоғарыда айтылған идеология, яғни «біздің тілді ақпарат тіліне айналдыру» деген Елбасы сөзімен келіп байланыс құрады.

«Біз алдағы уақытта да мемлекеттік тілді дамыту бағытындағы кешенді жобаларды жүзеге асыруды табандылықпен жалғастыра береміз. Қазақ алфавитін 2025 жылға қарай латын графикасына көшіруге дайындық жұмысын осы бастан қолға алу қажет. Бұл қазақ тілін жаңғыртып қана қоймай, оны осы заманғы ақпараттың тіліне айналдырады»,- дейді Мемлекет басшысы өз жолдауында.

Алла қаласа, бұл сынақтан да өтерміз. Тілімізді сақтап қаламыз десек, латын қарпіне бетбұрыс жасауымыз қажет.Қысқасы, бұл терең логикалы заманауи үрдіске «нар тәуекел!»дедік.

А.Жәнібекова, ҚазПУ-дын 1 курс білімгері.