Bıyl aıdyndy Alakóldіń Aqshı jáne Kóktuma aýylyna qarasty jaǵalaýy bekіtіledі. Soynmen qatar Taldyqorǵan – Óskemen baǵytyndaǵy kúrejoldyń qurylysy qarqyn almaq. Óńіrde júzege asatyn aýqymdy jobalarmen QR Premer-Mınıstrі Asqar MAMIN tanysty.

Alakóldіń asaý tolqyny jyl saıyn jaǵalaýdyń jarqabaqtaryn  opyryp, Aqshı men Kóktumaǵa jaqyndaı túsetіn. Osylaısha qos eldі mekennіń kólge jaqyn úılerіne qaýіp tóndіretіn edі. Bıyldan bastap turǵyndardyń esh allańdamaı ómіr súrýlerіne bolady. Aımaqta 13 shaqyrymdyq jaǵalaýdy bekіtý jumystary bastalmaq. Oǵan memleket qazynasynan 8,3 mlrd. teńge  qarastyrylyp otyr. Elіmіzdіń Premer-Mınıstrі zamanaýı úlgіde salynatyn nysan ornynda boldy. 2,5 myńnan asa adamnyń qaýіpsіzdіgіn qamtamasyz etetіn tospanyń joba, josparymen tanysty.

Aýdanda jaǵalaýdy bekіtý jumystarymen qatar týrızdі damytý іsі de qolǵa alynǵan. Sońǵy 5 jylda kól jaǵalaýynda ekі júzge jýyq ınvestıtsııalyq joba júzege asyp, demalys oryndary ashyldy. QR  Premer-Mınıstrі Asqar Mamın 450  oryndyq «QOQTEM GRAND RESORT» zamanaýı qonaqúı keshenіnde  bolyp, tynyǵýshylarǵa jasalǵan jaǵdaıdy kórdі.

Oblystaǵy týrızmdі damytý jospary Asqar Mamınnіń nazaryna usynyldy. Júzege asyrylǵan jumystar da keńіnen baıandaldy. Osyǵan deıіn Aqshıde vokzal salynyp, temіrjol qatynasy jandandyrylǵany aıtyldy. Polshadan ushaqtar alynyp, qosymsha áýe reısterі ashylǵanyna da jіtі mán berіldі. Aldaǵy ýaqytta Úsharal áýejaıynyń ushyp-qoný alańyn jasap, úlken ushaqtardy qabyldaýǵa múmkіndіk berіlmek. Sonymen qatar, óńіrde Almaty-Óskemen baǵytyndaǵy  355 shaqyrymdyq  avtomagıstral qurylysy da júrіp jatyr. Eskeldі, Aqsý, Sarqan, Alakól aýdandarynyń aýmaǵymen ótetіn jolǵa 127 mlrd.  teńgeden astam qarjy bólіngen. Úsharaldan Dostyqqa deıіngі aralyqta kúrdelі jóndeýden ótedі.

Ótken jyly Alakóldіń ońtústіk jaǵalaýynda 1 mıllıonnan asa adam kelіp, shıpaly sýǵa shomylǵan. Bıyl kelýshіler sany artyp, 1 mln. 300 myń týrıst shıpaly kól sýyna shomylyp, tynyǵyp qaıtady degen boljam bar.