Бүгінде қазақтар мен басқа да ұлт өкілдері қоныс тепкен мемлекетіміздің ұлан-байтақ өңірі қазақ халқы өркендеген мекен. Осынау құтты өңірде еліміз өз саяси бірлестіктерін құрып, мемлекеттілігін қалыптастырды.

Кейде осы өркениетке жатсына қарау түсініктері де кездесіп қалады. Ал шындығында далалық өркениетті жасаушы халықтар әлемдік өркениетке де өзінің тиісті үлесін қосқаны белгілі.

Елбасымыздың «Ұлы даланың жеті қыры» атты мақаласында көшпенділердің рухани  мәдениетін тізбектеп, нақтылап көрсеткен. Кейде елбасының зерделі сөзіне қарап тарихшы ма деп қаласың.

Маған ой салған бөлімдері  «Архив-2025» бағдарламасы, музыка мәдениетіне көңіл бөлуі және бұқара халыққа кеңінен ақпарат беретін телевизия мен кино саласына көңіл бөлінуі.

Елбасының басшылығымен құралған «Мәдени мұра» бағдарламасы 2004 жылдан бастап ұлтымыздың ашылмай жатқан құндылықтарына зерттеу жасап қазақ тарихына  үлкен үлес қосып жатқаны белгілі.

Сол сияқты «Ұлы даланың жеті қыры» атты мақаласының берері мол деген пікірдемін. Себебі ол рухани мәдениетімізді жаңғыртып, тарихи, ұлттық құндылықтарымызды сақтап оны келер ұрпаққа дәріптейтін зерделі туынды.

Өткенді зерттеу арқылы тарихи сана, мәдениет, дәстүр, ұрпақтар сабақтастығы қалыптасады. Тарихта  болып жатқан оқиғаларды жан-жақты әрі тереңінен көрсетіп, дамытсақ  болашаққа дұрыс қадам жасауға болады.Ал тарихты тану туып өскен жерімізден бастау керек.Туған жер… Бұл сөзде қаншама сезім, қаншама адалдық, қаншама махаббат бар. Оның әрбір тасы мен тауы, қаласы мен даласы, шүйгіні мен орманы бізге аса бағалы.  Еліміз- бүгінгі таңда даму жағынан көптеген елдерден алда келеді. Мұның басты себебі еліміздегі жанашыр, әрі өз Отанының шын патриоттарының жасаған еңбектерінің жемісі деп білеміз.Казіргі таңда тарихымызды насихаттау арқылы жас ұрпаққа барынша өз халқының батырлары мен  тарихы туралы білгені маңызды екенін айтып өткен екен.

Г.СҮЙІНІШЕВА,

Жанама қазақ орта мектебінің тарих пәнінің мұғалімі.