COVID-19 және Онкологиялық аурулар


Вакцинация онкологиялық аурулармен ауыратын науқастарға және жазылып шыққан қаралушыларға қауіпсіз болып табылады –, деп хабарлайды «JETISÝ MEDIA» ақпараттық орталығы.
COVID‑19-ға қарсы вакцинаның Гам-Ковид- Вак» (Спутник- V), Pfizer/BioNTech, Moderna, Janssen/Johnsson and Johnsson) түрлерінің құрамында тірі вирус жоқ, сол себепті де ол онкологиялық аурулармен ауыратын науқастарға және иммунитеті төмен адамдарға қауіпсіз болып келеді.
Қатерлі ісікпен ауыратын науқастар арасында коронавирустық инфекцияның клиникалық ерекшеліктері бар. Атап айтқанда, науқастар инфекцияларға өте сезімтал, сол себепті де қатерлі ісікке арналған арнайы терапиядан туындаған иммун тапшылығы байқалады.
“Сovid-19 жұқтырған онкологиялық науқастарда келесі клиникалық белгілер анықталды: жөтел, дене температурасының жоғарылауы, әлсіздік, тыныс алудың төмендеуі, тіпті физикалық белсенділігі төмен, бас ауруы, жалпы әлсіздік, қалтырау, терлеу, физикалық белсенділікке төзімділіктің төмендеуі сияқты типтік белгілер. Бүгінде екі емделушіде анемия және гипопротеинемия анықталды, бұл иммунокомпетенттілікке теріс әсер етуі және тыныс алу патогендеріне сезімталдықты арттыруы мүмкін”, – дейді Алматы облыстық көпсалалы клиникасының директоры Саяхат Олжаев.

Мәліметпен бөлісу: