Бір қойы егіз туса, бір бетегесінің басы айыр шығатын жомарт далалы өңіріміз негізінде ауыл шаруашылығын өркендетуге таптырмас мекен саналады. Осыған орай өңірімізде алғашқы рет «Лепсі-2019» етті бағыттағы асыл тұқымды мал шаруашлығының форумы өтіп, оған АҚШ, Аустралия, Канада мелекеттерінен арнайы мамандар келіп қатысты.

Қазақстан Республикасы ауыл шаруашылығы министрлігі мен Қазақстанның ет одағы және асыл тұқымды ірі қара бірлестіктерінің ұйытқы болуымен өткен форумға дәл осы салада қызмет етіп жүрген шаруалар мен кәсіпкерлер қатысты.

Форум жұмысын ашқан аудан әкімі Ә.Жақанбаев өңіріміздегі ауыл шаруашылығы саласында атқарылған жұмыстар легімен таныстырып, алдағы жоспарлармен бөлісті.

Қазақстан ет одағының директоры М.Бақтыбаев төрт түлік төлін асылдандыру ісіндегі жаңалықтармен таныстырып, бұл істі ілгерілету жолдарын бір шолып өтті.

«ЖерСу» корпарациясы директорлар кеңесінің төрағасы Б.Оспанов мал шаруашылығындағы өз тәжірибесімен бөлісіп, мал басын асылдандыру арқылы жаһандық нарыққа кіру мұмкіндігін кеңейтетінімізді баса айтты.

Сонау Канада мемлекетінен келген Р.Гиллфорд өз елінде осы салада атқарыплып жатқан жүйелі жұмыстарын алға тартып, жайлау мен малдың азығын дайындау ісіндегі артықшылықтарын тілге тиек етті.

Артынша форум қонақтары Арқарлы –Майбүйрек серіктестігіне арнай барып, ондағы мал күту және бордақылау ісімен танысып қайтты.

А.ЕСЕНБЕКОВ.