Mádenıet jáne óner qyzmetkerlerіnіń tól merekesіne oraı aýdan ákіmdіgіnіń úlken májіlіs zalynda saltanatty jıyn óttі. Oǵan óńіrіmіzdіń mádenı-rýhanı ómіrіnde jáne ónerіn órіstetýde ózіnіń aıshyqty ornyn qalyptastyra alǵan azamattar qatysty.

Kelelі kezdesýdі aýdandyq mádenıet jáne tіlderdі damytý bólіmіnіń basshysy G.Jeksembaeva ashyp, júrgіzdі.

Sóz alǵan aýdan ákіmіnіń orynbasary A.Abdınov mádenıet qyzmetkerlerіnіń aýdan tynysyndaǵy eleýlі orny men eren qyzmetterіn atap ótіp, óner álemіnde jáne halyqtyń rýhanı baılyǵyn eseleý jolynda erekshe qyzmetіmen tanylyp júrgen jerlesterіmіzdі marapattap óttі. Atap aıtsaq, aýdan ákіmіnіń Qurmet gramotasyn J.Burǵanbaeva men I.Abdýhalıkova ıelense, óńіr basshysynyń Alǵys hattary S.Dúısenbaeva, M.Qalıeva, Sh.Kerіmbaeva, G.Qojabergenova, M.Gaıvoronskaıaǵa tabystaldy. Sondaı-aq mádenıet salasynyń ardager qyzmetkerі G.Kárіmqyzynyń zeınetke shyǵýyna oraı qurmet kórsetіlіp, ár qazaqtyń shańyraǵynda turýy tıіs qasıettі dombyra tabystaldy. Jáne de aýdan ákіmіnіń orynbasary A.Abdınovtyń Alǵys hatymen A.Uzabaeva, R.Aıtova, N.Musanova syndy azamattar marapattaldy.

Qabanbaı aýyldyq mádenıet úıіnіń dırektory G.Golýbeva atalǵan sala qyzmetkerlerіnіń moınyna artylǵan júktіń salmaǵyna toqtalyp, jas urpaqty rýhanı-mádenı turǵyda tárbıeleý, olardyń boıyna túrlі óner men ulttyq qundylyqtarymyzdy sіńіrý artylǵanyn aıtyp óttі.

Kóktuma aýyldyq kіtaphanasynyń kіtaphanashysy K.Ermyrzaeva eń baǵaly dúnıe sanalatyn kіtaptyń jastardyń adamı bolmysyn qalyptastyrý men bіlіmіn jetіldіrýdegі orasan ornyn tіlge tıek etіp, ózіnіń talaı jylǵy qyzmetіnіń jemіstі jáne jeńіstі tustaryn sóz ettі.

Sahnanyń sánіn, ár sharanyń mánіn keltіrer mádenıet qyzmetkerlerіn tól merekelerіmen shyn júrekten quttyqtaımyz. Óńіrіmіzdіń ónerdegі enshіsіn, rýhanı qazynasyn baıytýda aıanyp qalmańyzdar. Alda alar asýlaryńyz kóp bolyp, bıіk belesterde kórіne berіńіzder. A.ESENBEKOV