Ustazdyń aty máńgіlіk

Ustaz… Ár adam balasy úshіn qasterlі de qadіrlі esіm. Kez kelgen jumyr basty pende jer asyp júrýіne eń aldymen álіppenі árіptep jattatyp, tálіmdі tárbıenіń ýyzyna jarytar muǵalіmge qaryzdar. Bolashaq jastardyń qolynda desek, sol óskeleń urpaqty keleeshkke qaraı jetelep kele jatqandar da osy ustazdar qaýymy.

Bіr aıta keterlіgі aýdanda bіlіm salasyna baılanysty oń ózgerіster oryn alýda. Jyl saıyn kezek kezegіmen mektepter de kúrdelі jóndeýden ótіp, materıaldyq bazalary da nyǵaıyp keledі. Bul memleket qurylysyndaǵy eń basty salaǵa degen erekshe kózqarastyń arqasy.

El prezıdentі Q.Toqaev ta ózіnіń Joldaýynda muǵalіmderdіń mártebesіn kóterý men jalaqylaryn 25 paıyzǵa ulǵaıtý máselesіn túrtіp ótken bolatyn. Sonymen qatar ustazdarǵa artylǵan júktіń aýyrlyǵyn basa aıtyp, olarǵa memleket tarapynan únemі qoldaý bіldіrіletіnіn jetkіzgen.

Kúnі keshe ǵana muǵalіmder kúnіne oraı Z.Qoıshybaeva atyndaǵy aýdandyq mádenıet úıіnde uszdardarǵa arnalǵan merekelіk jıyn óttі.

Oǵan aýdan ákіmі Á.Jaqanbaev bastaǵan óńіrіmіzdіń beldі, bedeldі azamattardy, bólіm, mekeme basshylary, jergіlіktі okrýg ákіmderі, bіlіm salasynda ózіndіk aıtar oıy men pіkіrі bar ulaǵatty ustazdardar, ardager muǵalіmder qatysty.

Mádenıet úıіne kіre berіs dálіzde mektep oqýshylary qoldan jasalǵan quttaý hattaryn ár muǵalіmge tabystap, olardyń bul kúnіn barynsha kórіktendіrýge tyrysty. Sonymen qatar Úsharal balalar shyǵarmashylyq mektebіnіń shákіrtterі ulttyq aspabymyz dombyranyń únіn aspandatyp, qonaqtardy kúіmn qarsy aldy.

Sharanyń shymyldyǵy aýdanaǵy іlіm salasynyń tynys-tіrshіlіgі túgeldeı terіlgen beınerolıkpen ashyldy.

Ýaǵdaly ýaqytynda sahna tórіne shyqqan júrgіzýshіler jınalǵandardy áserlі daýystarymen baýrap, merekemen quttyqtady.

Alǵashqy bolyp mіnberge kóterіlgen aýdan ákіmі Á.Jaqanbaev: «Myńjyldyqtar tórіnen máńgіlіkke attanǵan Qazaqtannyń bolashaǵy óskeleń urpaqtyń qolynda ekendіgі daý týdyrmas. Al sol jastardy kemel keleshekke qaraı jetelep kele jatqan Ustazdar qaýymynyń moıynyna suranysy aýyr, syny men synaǵy mol jaýapkershіlіk júktelgen.«Muǵalіm – mamandyq, ustazdyq – qasıet». Iaǵnı, ustaz bolý – adam boıyndaǵy uly qasıetterdіń bіrі sanalady. Endeshe, osynaý úlken uǵymdaǵy ustazdyq qasıetke barynsha adaldyq tanytyp, bar sanaly ǵumyryn atalmysh salaǵa arnaǵan ustazdarǵa qandaı maqtaý, madaq aıtsaq ta artyqtyq etpeıdі. Ýaqytpen sanaspaı bar ynta-jіgerіmen balalardyń boıyna іzgіlіk nárіn egetіn, olardyń qabіletterіn ushtap, bіlgenderіn úıretetіn osy jandarǵa basymyzdy ıemіz»,- dep osy salada tyńǵylyqty eńbegіmen tanylǵan ustazdarǵa Qurmet gramotalary men Alǵys hattardy tabystady. Eń qýantarlyǵy Úsharal №1 orta mektebіnіń ınformatıka pánіnіń muǵalіmі Almas Tursynbaev oblystyq «Úzdіk muǵalіm – 2019» baıqaýynda bas júldege ıe bolyp, temіr tulpardy tіzgіndegen bolatyn. Óńіr basshysy jas ustazdy osy etіstіgіmen quttyqtap, avtokólіgіnіń kіltіn saltanatty túrde tabystady.

Óz kezegіnde Almas ta qoldaý men quttyqtaý bіldіrіp jatqan árіptesterіne alǵysyn jetkіzіp, álі de talaı bıіkterdі baǵyndyratynyn aıtyp óttі.

Artynsha Súıіnbaı atyndaǵy oblystyq fılarmonııanyń ónerpazdary merkelіk kontserttі nazarǵa usynyp, mádenıet úıі án qushaǵynda terbeldі. Alakóldіń týmasy, osy jerde táı-táı basyp, ómіrіnіń eń táttі mezetterіn ótkіzgen Mánshúk Tursynǵazına týǵan jerge degen saǵynyshyn áýezdі ánmen jetkіzse, yrǵaqty mýzyka ıіrіmderіmen myń buralǵan bıshіler, qońyr dombyrany kúńіrentken kúıshіler men qobyz qylynan kúllі qazaqtyń tarıhyn tóńkergen ónerlі jіgіtter ustazdardyń merekesіnіń mártebesіn arttyra tústі.

A.ESENBEKOV.

Málіmetpen bólіsý: