Ұлт көшбасшысы Н.Назарбаевтың ұлағатты туындыларының сапын толықтырған «Болашаққа бағдар: рухани жаңғыру» тақырыбындағы тәлімді мақаласы халық санасына төңкеріс әкелгені жасырын емес. Материалдық құндылықтарға сүрініп құлаған жұртты рухани байытуға бағыттылған бұл туындыны тиісті дәрежеде дәріптеу алғышарттартырдың бірі екендгі хақ.

Дәл осы мақсатта Жыланды орта мектеп-лицейінде дөңгелек үстел ұйыдастырылды. Оған Лепсі, арлығаш сынды білім ордаларының ұстанымы мықты ұстаздары мен белсенді оқушылары да қатысты.

Кездесу барысында мақаланың басты басымдықтарына айналған білімнің салтанат құруы, жаһандық бәсекеге қабілеттілік, ұлттық сана мен бірегейілікті сақтау, прагматизм және эволюциялық даму тақырыптары талқыланды. Осы қасиеттердің артықшылықтары жайлы ұстаздар жағы кеңінен түсіндірсе, шәкірттер тұщымды ойларын ортаға салып, пайымды пікірлерімен бөлісті. Бірі латын графикасына көшудің ерекшеліктерін екшесе, екіншілері «Туған жер» бағдарламасының бергенінен берері көптігіне тоқталды. Үш сағаттық бас қосуда аталмыш мақала бүге-шүгесіне дейін зерттеліп, жастар рухани азық алып қайтты.

Ұлт санасына жаңа серпін, жаңа леп сыйлаған тағылымды туындының насиахтталуы бұнымен аяқталмайды. Осы әспеттес кездесулер, түрлі іс-шаралар жүйелі түрде ұйымдастырылып тұрады. Себебі, төрден орын алған өркениетті һәм дамыған отыз елдің қатарына қосылуға бұл мақалада көтерілген мәселелрдің үлкен септігі тимек.

Е.ҚҰРМАШЕВ,

Жыланды орта мектеп-лицейі директорының орынбасары.