Алакөл ауданы, Теректі орта мектебінде 2022 жылы экологиялық мәдениетті қалыптастыру мақсатында «Қысқы бақ» ашылған. Онда 80- ге жуық өсімдік түрлері өсіріледі.

Қысқы бақта 6 құрлықты өсімдіктер бөлме жағдайында жайқалып өсуде. Мектеп ішіне көріп беріп тұрған өсімдіктер дүниесін күтіп, баптап ұстауда мектеп ұстаздары мен оқушыларының еңбегі орасан зор.

Бүгінде, қысқы бақта мектеп оқушылары тропикалық өсімдіктерді(банан, анар, авокадо, апельсин т.б) өсіруде.

“Таза Қазақстан” экологиялық жобасы аясында Теректі орта мектебінің биология пәнінің мұғалімі Индира Сандуованың ұйымдастыруымен мектеп оқушыларымен«Өсімдіктерді өсіріп, баптау мәдениеті» тақырыбында тәжірибелік сабақ өтті.

Тәжірибелік жұмыс барысында астық тұқымдасына жататын бамбук өсімдігінің түрлері, өсіру технологиясы жайлы ақпараттармен бөлісіп, өсімдікті құмыраға отырғызу жолы мен тәртібін таныстырып өтті.

Бамбук өсімдігінің 47 туысы, 200-ден астам түрлері бар. Сабағының сырт түрі қамыстікі тәрізді, іші қуыс, ұзындығы 40 м, жуандығы 130 сантиметрге дейін барады.