Қазақстан Республикасының Президенті Н.Назарбаев «Төртінші өнеркәсіптік революция жағдайындағы дамудың жаңа мүмкіндіктері» атты Жолдауында алдымызға 10 нақты міндетті қойды. Көтерілген мәселелердің бәріне дәл түсініктеме бере отырып, оның болашақтағы тиімділігі мен нәтижесіне тоқталған.

Жолдаудың «Құрылысқа және коммуналдық секторға заманауи технологияларды енгізу» атты бесінші тармағында көпшіліктің көңілінде жүрген өзекті мәселе қамтылған. Бүгінгі күні елімізде пайдалануға берілген тұрғын үйлердің көлемі жылына 10 миллион шаршы метрден асқан. Бұл көрсеткіш құрылыс саласының қарқынды дамып келе жатқандығын айғақтайды. Мемлекет басшысы 2030 жылға дейін көрсеткішті 30 шаршы метрге дейін жеткізуді жүктеп отыр. «Осы міндетті орындау барысында құрылыс салудың жаңа әдістерін, заманауи материалдарды, сондай-ақ ғимараттардың жобасы мен қала құрылысының жоспарын жасағанда мүлде басқа тәсілдерді қолдану қажет»,- деп, жұмыстың сапасы мен экологиялық тазалығына, энергиялық тиімділігіне баса назар аударуды талап етеді.

Егер Елбасының осы тапсырмалары жүзеге асатын болса, құрылыс саласының қарқыны артып, жаңадан бой көтеріп жатқан нысандар сапасының артатындығы сөзсіз. Тек әрқайсымыз бұған жауапкершілікпен қарап, өз міндетімізді тиісті деңгейде атқарсақ болғаны.

«Жұмыла көтерген жүк жеңіл» демекші, Президенттің биылғы Жолдауында көтерілген мәселелердің орындалуына әр қазақстандық атсалысайық. Сонда ғана еліміз гүлденген, дамыған, әрі мәңгілік болмақ.

А.Жұмаділов,
аудандық құрылыс бөлімінің басшысы.