Жетісу облысында көлік құралдарының шекара арқылы өтуін қатаң бақылау жалғасуда. Мемлекеттік кірістер департаментінің мәліметінше, 2024 жылы «Алакөл» және «Нұр Жолы» кеден бекеттері арқылы 577 мың автокөлік құралы өткен.
Аймақта 6 өткізу пункті бар, оның 5-і Қытаймен шекарада:
– Автомобиль өткізу пункттері – «Алакөл», «Нұр Жолы», «Қорғас ХШЫО».
– Теміржол өткізу пункттері – «Алтынкөл-жол», «Теміржол».
– Ішкі өткізу пункті – Талдықорған қаласы.
Кеден бекеттерінің өткізу қабілетін арттыру үшін бақылаудың жаңа технологиялары енгізілді. Атап айтқанда, «Нұр Жолы» өткізу пунктінде өздігінен жүретін және мамандандырылған техниканы қабылдау және ресімдеу рәсімі оңайлатылды – ол интеграцияланған бақылау жүйесінде тіркеусіз бірден уақытша сақтауға жіберіледі.
2024 жылғы 4 желтоқсаннан бастап Қазақстан Республикасы Көлік министрлігі Қытайға жүк тасымалдары үшін «С» үлгісіндегі электрондық рұқсат беру жүйесін іске қосты. Енді барлық рұқсат беру құжаттары «E-лицензиялау» мемлекеттік деректер базасы арқылы ресімделеді.