Жетісу облысының Әділет департаменті 10 сәуір мен 10 мамыр аралығында өтетін «Антиконтрафакт» республикалық акциясының басталғанын хабарлайды. Акцияның мақсаты – зияткерлік меншік құқықтарын қорғау және контрафакт өнімдерінің таралуы туралы халықтың хабардарлығын арттыру.
Акция аясында 10-25 сәуір аралығында «Бірге контрафактіге қарсымыз» атты үздік фотосуретке арналған республикалық конкурстың аймақтық кезеңі өтеді. Аталған конкурсқа қатысушылар ретінде 14-18 жастағы жасөспірімдер қамтылған.
Конкурс екі кезеңде өткізіледі. Бірінші кезең – аймақтық. 25 сәуірге дейін жұмыстарды комиссия өкілдері қарап, бір үздік фотосурет (конкурстың тақырыбына сәйкес келетін фото) ҚР Әділет министрлігіне жіберіледі.
Екінші кезең – республикалық. Жеңімпаздарды іріктеу бойынша қорытынды кезең 10 мамырда өтеді.
Қатысушылар тұрғылықты жері бойынша Әділет департаментіне жасөспірімнің туу туралы куәлігі, жеке куәлігінің көшірмесін қоса бере отырып, өтінімді және «Бірге контрафактіге қарсымыз» атты фотосуретті e.aubakirov@adilet.gov.kz электронды поштаға немесе WhatsApp желісі арқылы +7 707 622 29 43 нөміріне жіберу қажет.
Конкурс жеңімпаздары бағалы сыйлықтармен марапатталады.