Жуырда ғана Қырғыстан Республикасының астанасы Бішкек қаласында джиу-джитсудан ашық Азия чемпионаты түңлігің түрген болатын. Сайдың тасындай іріктілген сары құрлықтың кілең сен тұр, мен атайындары бас қосқан сайыста «Арнұрдың балалары» бренді шекара сыртында да шын мықты екендіктерін дәлелдеді. Қазақстан құрамасының сапында өнер көрсеткен алакөлдік өрендер қоржынымызды медльға толтырды.

Атап айтсақ, алпыс келі салмақта бағын сынаған Бекзат Нұрғазинов бауырымызға боз кілемде қарсылас шақ келмей, алтын алқаны кеудесіне қондырды. Алпыс бес келі салмақта сарапқа түскен Ерік Санжар ініміз ақтық сынға дейін сүрінбей жетіп, нәтижесінде күміс медальді қанжығалады. Айдынды ауданымыздың айбынды жігіті, күллі алакөлдіктердің үміт артып отырған спортшысы Айбол Ахметов ересектер арасында тәжірибесі мен талантын таразы басына салып, екінші орынның мінберіне көтерілді. Сөйтіп, джиу-джитсудан өтетін әлім біріншілігіне жолдама ұтып алып, осы додада «Көрермендер көзайымы» аталымын тақымына басты. Жүлдегерлердің бапкері Арнұр Нұрланұлы да құр қол қайтпады. Ересектер арасында сынға түскен жерлесіміз қоржынымызға қола медаль салды.
Жеңіс құтты болсын! Алакөлдіктер жасай берсін!

Алмат Есенбеков.