Кездесудің басты мақсаты – алдағы жалпыхалықтық референдумның маңыздылығын түсіндіру, оның ел болашағына әсерін кеңінен талқылау, қызметкерлерінің пікірін тыңдау болды.

Жиын барысында референдум – халықтың тікелей еркін білдіретін маңызды демократиялық құрал екені атап өтілді. Бұл – әр азаматтың ел тағдырына бейжай қарамай, тарихи шешім қабылдауға қатысу мүмкіндігі. Әсіресе, қоғам өмірінің түрлі саласында еңбек етіп жүрген мамандардың белсенділігі – ортақ болашаққа деген жауапкершіліктің айқын көрінісі.
Кездесу барысында референдумның негізгі бағыттары, оның әлеуметтік-экономикалық даму мен қоғамдық тұрақтылыққа ықпалы жөнінде жан-жақты ақпарат берілді.

Ұжым мүшелері өз ой-пікірлерін ашық білдіріп, сұрақтарын қойды. Ашық диалог алаңында референдумның мәні, оның заңнамалық және қоғамдық маңызы кеңінен талқыланды. Әрбір азаматтың дауысы – ел болашағына қосылған үлес екені ерекше айтылды.

Сонымен қатар, денсаулық сақтау саласының дамуы, медициналық қызмет сапасын арттыру, әлеуметтік қолдау тетіктерін жетілдіру секілді мәселелердің де мемлекеттік шешімдермен тығыз байланысты екені сөз болды. Тұрақты әрі әділетті қоғам қалыптастыру – әр саланың үйлесімді дамуын талап етеді.

Кездесу қорытындысында ұжым мүшелері елдік маңызы бар бастамаларға бейжай қарамай, белсенді азаматтық позиция танытудың маңызын атап өтті. Бірлік пен жауапкершілік – тұрақты дамудың кепілі.

«Жансая күндізгі емдеу орталығы» ММ ұжымы алдағы референдумға саналы түрде қатысып, ел болашағына қатысты шешім қабылдауда өз үлесін қосуға дайын екенін білдірді. Халық үніне құлақ асатын, әділетті әрі дамыған қоғам құру – баршамыздың ортақ мақсатымыз.