Жуырда өңірдегі діни ахуалдың сақталуы, деструктифті идеолигия мен жат ағымдардың қанат жаюын тежеу бойынша ауданымызда атқарылып жатқан жұмыстарды пысықтау мақсатында аудан әкімдігі жанындағы діни бірлестіктермен байланыс жөніндегі кеңес отырысы өтті.

Басқосуға аталған кеңестің мүшелері,құқық қорғау органдарының басшылары, жастар ісі жөніндегі әдіскерлер және ауыл имамдары қатысты.
Айтулы жиынға төрағалық еткен аудан әкімінің орынбасары А.Абдинов бүгінгі таңда әлем жұртшылығын алаңдатып отырған экстремизм мен терроризмнен мемлекетімізді қорғауға үлес қосу әр қазақстандықтың міндеті екендігін айта келіп, ауданымызда бұл мәселенің алдын алу, болдырмау мақсатында жүйелі түрде жұмыс жүргізіліп жатқандығына тоқталды.
Сөз алған аудандық ішкі саясат бөлімінің басшысы М.Сүлейменов өңіріміздегі, ал Ырғайты ауылдық округінің әкімі Д.Мұқабаев елді мекендегі діни ахуалға тоқталса, ауданымыздың бас имамы Ә.МолдахметовИслам бейбітшілік діні екендігін баса ескертіп, қоғам дертіне айналған экстремизм мен терроризмнің адамзат баласына төндіріп отырған зияны және имандылық жайында насихат жүргізді.
Аудан әкімінің орынбасары А.Абдинов жиынды қорытындылап,жат ағым жетегіне кетіп, адасып жүргендерді дәстүрлі дініміздің соқпағына түсіру жұмыстарының оң нәтиже беруі үшін арнайы жоспарлар қарастыруды міндеттеді.

А.ИМАНАСОВА.