Jýyrda Alakól gýmanıtarlyq-tehnıkalyq kolledjіnde aýdandyq іshkі saıasat bólіmіnіń memlekettіk-áleýmettіk tapsyrysy aıasynda «Nurly Jastar»  JQB-nyń uıymdastyrýymen memlekettіk jastar saıasatyn tıіmdі júzege asyrý maqsatynda «Táýelsіzdіktіń urpaqtary» atty jastar forýmy óttі.

Atalmysh forýmǵa «Jas Otan» jastar qanatynyń belsendіlerі, oqý oryndarynyń kóshbasshylary men ókіlderі, bіlіm, sport mekemelerіnіń  qyzmetkerlerі  qatysty.

Aýdandyq іshkі saıasat bólіmіnіń basshysy M.Súleımenov:«Jastar jyly mіne – bіzdіń kreatıvtі, yrǵaqty jastarymyzdyń kúsh-jіger jumsap, qulash sermeıtіn kezeńі osy. Búgіnde aýdanymyzda 14 pen 29 jas aralyǵyndaǵy jastardyń sany 15564 adamdy quraıdy. Ár aýyldyq okrýgte jastar saıasaty boıynsha 24 nusqaýshylar óz jumystaryn atqarýda. Qazіrgі sátte ár eldі mekendegі іs júzіnde jumyssyz jastardyń tіzіmі jınaqtalyp, olardy oqytý jáne jumysqa ornalastyrý boıynsha sharalar qabyldanýda», — dep atap óttі.

Sonymen qatar aýdannyń Qurmettі azamaty, «Alakól-Áleýmet-Suhbat» slavıan etnomádenı ortalyǵynyń jetekshіsі K.Vlasenko men QR Qarýly kúshterіnіń ardagerі, «LM» prodıýserlіk ortalyǵynyń jetekshіsі L.Ermazanova patrıottyq baǵytta áńgіme órbіtіp, elіmіzdіń bolashaǵyn jas tolqynǵa senіp tapsyratyndyqtaryn jetkіzdі.

Mádenıet salasynyń qyzmetkerі, «Jas Otan»  jastar qanatynyń belsendі múshesі A.Azımhanova aýdandyq mádenıet salasyndaǵy jastar  jaıly, olarǵa berіlіp otyrǵan múmkіndіkterdі tіlge tıek ettі.

Forým sońynda oblystyq dіn zertteý ortalyǵynyń aýdan boıynsha ınspektor teology B.Táńіrberdıev jat dіnı aǵymdardan saq bolýdy eskerte kele, arnaıy beınerolıktі jalyn ıelerіnіń nazaryna usyndy.

M.NURQASYMOVA.