Aqparattyq maıdan órshіgen zamanda múmkіndіgі orasan túrlі tehnıkalar arqyly dástúrlі Islam dіnіnіń haq ustanymdaryn joqqa shyǵaryp, jat aǵymdardy nasıhattaýshylardyń legі artyp keledі. Ásіrese «Qaltadaǵy Igıl» atalatyn uıaly telefon arqyly eldіń sanasyn ýlaýǵa baǵyttalǵan shabýyldaryn údete túsýde. Bul óz kezegіnde memleket іrgesіnіń setіnep, berekelі tіrlіgіmіzge іrіtkі salýda.

Endіgі maqsat destrýktıvtі ıdeologııany jaqtaýshylardyń úgіt-nasıhat jumysyna balta shaýyp, olardyń ár qadamynyń aldyn alý. Bul jolda áleýmettіk jelіlerdegі paraqshalardy buǵattaý, terіs túsіktі ýaǵyzdaıtyn azamattardy baqylaýǵa alyp, olarmen suhbat júrgіzý, barlyq mekeme, mektep, kásіporyndarda túrlі jıyn-kezdesýler uıymdastyrylýda.

Qaı ýaqytty almasaq ta dіn memleket qurylysynda óte mańyzdy orynǵa ıe bolǵandyńy málіm. Al HHI ǵasyrda senіmdі saıasatqa, dіndі qarýǵa aınaldyryp, kúllі dúnıejúzі halqynyń tynyshtyǵyna іrіtkі salýshylar kóbeıdі. Sondyqtan da rýhanı azǵyndaý men terіs baǵyttaǵy aǵymdardan qazaqstandyqtardy saqtaý úshіn memleket tarapynan túrlі reformalar qabyldanyp, baǵyty aıqyn baǵdarlamalar da júzege asýda.

Osy rette aýdandyq ákіmdіkte jerleýdіń jáne zırattardy kútіp-ustaý іsіn uıymdastyrýdyń erejelerіn talqylaý maqsatynda jıyn óttі.

Sóz alǵan aýdannyń bas ımamy Á.Moldahmetov: «Qaıtys bolǵan adamdy arýlap jerlep, aqtyq saparǵa shyǵaryp salý-musylman balasynyń qasterlі mіndetі bolyp tabylady. Qazaq halqy qaza bolǵan adamdy sharıǵat qaǵıdalarymen sanasa otyryp atqarǵan. Ár adam, kіsі qaıtys bolǵanda sharıǵat boıynsha qalaı atqarý kerek ekendіgі jaıly bіlýі tıіs. Óıtkenі marqum bolǵan kіsіnі durys shyǵaryp salý, artynda qalǵan týystarynyń mіndetі. Jerleý rásіmі elіmіzde jalpylama bіrdeı oryndalǵanymen, keıbіr aımaqtyq erekshelіkter kezdesіp turady. Qazaqta kіsі qaıtys bolǵan kúnі úsh kúnge deıіn qazan tóńkerіlіp turatyn, qaraly úıden as іshіlmeıtіn. Qonaqasy tek alystan kelgender úshіn ǵana berіletіn edі. Ony kórshі-qolań, aǵaıyn-týystary kóterіp alatyn. Jerleý rásіmіn sharıǵatqa saı atqaratyn. Ókіnіshke oraı osy kúnі janaza ysyrapshylyq pen baqtalasqa aınalyp bara jatyr. Kárі bolsyn, jas bolsyn jol dep jańa jaǵaly kıіm berіp, tábárіk taratyp jatady. Qonaqasyn kafe men meıramhanalarda beretіndі shyǵardyq. Qazaly úıdіń dastarhany men toıdyń dastarhany bіrdeı bolyp qaldy»,- deı kele, qaıtys bolǵan adamdy sharıǵat sharttarymen jerleý retіn jáne barlyq ereje-talaptarymen tanystyryp kettі.

Aýdan ákіmіnіń orynbasary A.Abdınov jalpy aýdandaǵy dіnı ahýaldyń bіrqalyptylyǵyna toqtalyp, osy tatýlyq pen bіrlіktі saqtaý maqsatynda kóptegen іs atqarylatynyn jetkіzdі.

Aýdandyq máslıhattyq hatshysy S.Jabjanov pen aýdandyq ardagerler keńesіnіń tóraǵasy S.Babazarov dіnı turaqtylyq pen tutastylyq haqynda óz oılaryn ortaǵa salyp, halyqtyń berekelі tіrlіgіndegі dіnnіń rólіne toqtaldy.

N.MAQSTULY.