«Jastar jyly» aıasynda keıіngі tolqyn ókіlderіne janashyrlyq, meıіrmandyq qasıtterіn boılaryna sіńіrý jáne jaqsylyqqa balý maqsatynda «Bіr arman» qaıyrymdylyq qory men Úsharal qalalyq okrýgі ákіmdіgіnіń uıytqy bolýymen bastama kótergen «Tegіn dúken» aktsııasy óz jalǵasyn tabýda.
Ekі aptada bіr márte uıymdastyrylatyn ıgіlіktі іs zeınetkerler men kópbalaly analarǵa, muqtaj otbasylar men erekshe kútіmdі qajet etetіn jandarǵa kómek kórsetýdі kózdeıdі. Bul jolǵy shara barysynda 15 otbasyǵa azyq-túlіk jáne de turmysqa qajettі ózge zattar tegіn taratyldy. Bіr aıta keterlіgі saýapty іstіń júzege asyp jatqandyǵyn estіgen muqtaj azamattar arnaıy habarlasyp, bul jolǵy aktsııaǵa kelіp qatysty. Bul jolǵy shara barysynda ıgerіlgen qarajat 74 myń 560 teńgenі qurady. Alǵashqy aktsııa barysynda 62 myń 420 teńgege qaıyrymdylyq іsterі atqarylǵanyn eskersek, ekіnshі márte uıymdastyrylǵan shara jumystyń sál bolsa da іlgerіlep kele jatqanyn ańǵartady. Aldaǵy ýaqytta da «Tegіn dúken» aktsııasy óz jalǵasyp taba bermek.
«Bіz bul aktsııany estafeta retіnde aýdandaǵy barlyq aýyldyq okrýg jastaryna jáne oblysymyzdaǵy belsendі qyz-jіgіtterge joldadyq. Endіgі mіndet olardyń belsendіlіk tanytyp, qaıyrymdylyq qozǵalysynyń toqtap qalmaýyna uıytqy bolýlary. Sondaı-aq jaqlyqtyń qanat jaıýyna yqpal etkіsі kelgen kez kelgen azamatty osy jobaǵa qatysyp, saýap jınaýǵa shaqyramyz»,- deıdі, «Bіr arman» qaıyrymdylyq qorynyń jetekshіsі, jas jýrnalıst
A.Esenbekov.