Бүгін мемлекет басшысы Қ.Тоқаев бұқараның асыға күткен Жолдауын жария етті. Барыс жылы бастала сала дүрбелең мен дауылға ұрынып, дағдарыс пен азулы дерттің құрығынан әлі оңала алмай отырғандаймыз. Алайда, «Жаңа Қазақстанды» құруға бастайтын президенттің Жолдауы көп дүниенің жолын ашып берді.

Отыз жылдың ішінде де көптеген жұмыстар атқарылды, ауқымды да айтулы істердің шеті қайырылды. Кеше ғана мемлекеттігінің тұғырын көтерген еліміз алпауыттардың көшіне ілесе алатындай болды. Алайда, өзгерістің керектігі де жасырын емес.

Көпшіліктің күткенінің біраз бөлігі осы Жолдауда айтылды. Мемлекеттік басқару, ел қауіпсіздігі, мәжіліс пен мәслихат жұмыстарындағы жаңғырулар, сайлау барысын реформалау, БАҚ өкілдеріне еркіндік беру, әйелдер мен балалардың құқығын қорғауды жандандыру, 30-дан астам бапқа өзгерістер енгізу, Ұлттық құрылтайдың құрылуы, Парламенттегі президенттік квотаның қысқаруы, партияларға тең құқық берілуі, президенттің партия құрамында болмауы – жаңашаылдыққа қарай басқан қадамдарымыздың алғашқысы.

Бізге тағы бір маңыздысы Жетісу облысының құрылуы. Яғни Алматы қаласының маңыздағы аудандар бөлініп, Алмат облысы болмақ. Орталығы Қапшағай қаласына орнықпақ. Айта кетерлігі, бұл шаһарға бір туар азамат Д.Қонаетың есімін беру ұсынысы баршамыздың көңіліміздің қылын дөп шертті.

Қаңтар оқиғасынан сабақ ала отырып, қауіпсіздікке аса мән беру, террорлық ұйымдармен күрес, лаңкестердің, төңкеріс жасауға ниеті барлардың жолын кесу де күн тәртібінде. Ендігіде бұндай дүрбелеңге жол бермеу аса маңызды.

Б.БИЖАНОВА,

аудандық мәслихат депутаты.