Тұрмыстық зорлық-зомбылық — қоғам дерті. Өкінішке орай, отбасындағы кикілжіңдердің салдарынан мыңдаған ана мен баланың көз жасы төгілуде. Өткен жылы, жанұядағы жанжалдан зардап шеккен 989 әйел «Талдықорған аймақтық әйелдерді қорғау орталығы» ҚБ-не көмек сұрап жүгінгені сөзімізге дәлел.
20 жылдық тарихы бар ұйым тұрмыстық зорлық-зомбылықтың зардабын көрген әйелдерге заңгерлік және психологиялық көмек керсетумен айналысады. Қоғамдық бірлестік тағдыр тауқыметін тартқан нәзік жандылармен жұмысты облыстық полиция департаментімен бірлесе еңбек етеді.
«Талдықорған аймақтық әйелдерді қорғау орталығы» ҚБ директоры Жанар Нұрмұханованың айтуынша, 2018 жылы облыста дағдарыс орталығы ашылғаннан кейін орталықтың уақытша баспанасы жабылған.
«Жыл басталғалы 4 айдың ішінде орталықтың қызметіне 27 келіншек жүгінді. Олар заңгерлік, психологиялық, уақытша баспанаға орналасуға қатысты көмек сұрайды. Сондай кезде біздер дағдарыс орталығына жібереміз»,-деді спикер.
Айта ктеейік, орталық одан басқа ҮЕҰ-мен біріге отырып, аудан-қалаларды аралап, ақпараттық-түсіндіру жұмыстарын жүргізеді.