Бүгін Жетісу облыстық штаб мүшелері Б.Саятова, А.Есенбеков Президенттікке үміткер Қ.Тоқаевтың 2023-2030 жылдар аралығына арнап жоспарлаған сайлауалды тұғырнамасын талқылау мақсатында ауданымыздың агроөнеркәсіп саласының өкілдерімен кездесті.
Шара барысында Б.Саятова «Әділетті Қазақстан: бәріміз және әрқайсымыз үшін. Қазір және әрдайым» атты Қасым-Жомарт Кемелұлының тұжырымдамасын жалпылама түсіндіріп шықса, А.Есенбеков Мемлекет басшысының аталмыш сала қызметкерлеріне құрылған жоспарларын және орындауға уәде етіп отырған жұмыстарына тоқталды.
Спикерлердің сөзінше, ауылдық аумақтарды дамыту тұжырымдамасы әзірленді. Бұл құжат ұлттық жобаларды, «Ауыл – ел бесігі» жобасын және облыстардың даму жоспарларын үндестіруді қамтамасыз етеді. Тұжырымдамада инфрақұрылымды, кәсіпкерлікті, агроөнеркәсіптік кешенді дамыту, сондайақ кадрлық әлеуетті арттыру, халықтың интернет желісіне қолжетімділігін арттыру жөніндегі кешенді шаралар және басқа да бірқатар шаралар қамтылатын болады.
- Аграрлық салада өзін сынап көргісі келетін ісін жаңа бастаған кәсіпкер «Іскер» бағдарламасы бойынша микрокредит алу үшін Аграрлық несие корпорациясына жүгіне алады. Бұл шағын несие бастапқы капитал ретінде өзінің шағын фермерлік шаруашылығын ұйымдастыруға мүмкіндік береді. Аграрларды заманауи ылғал үнемдеу технологияларын қолдануға ынталандыру мақсатында инвестициялық субсидиялау түрінде мемлекеттік қолдау жүзеге асырылады, ол қазіргі заманғы суару жүйелерін сатып алуға жұмсалған шығындардың 50 пайызын өтеуді, сондай-ақ барлық қажетті инфрақұрылымды жүргізуді көздейді, — деді Б.Саятова.
Жиын соңында агроөнеркәсіп өкілдері Қ.Тоқаевтың уәде етіп отырған жұмыстар тізімімен танысып, тек қана қолдайтындарын білдірді. Сондай-ақ, алдағы сайлауда өз дауыстарын мемлекетімізге қажет деп таныған тұлғаға беретіндерін жеткізді.