Қазақстан Республикасы Кеңес Одағы,  Қорғаныс министрі орынбасарының директивасы негізінде 1973 жылы 13 маусым Үшарал тұрғын үй пайдалану бөлімі болып қалыптасты. 2001 жылы 12 шілдеде Қазақстан Республикасы Қорғаныс Министрінің №199 бұйрығы негізінде Үшарал аудандық пайдалану бөлімі болып бекітілді.

Жуырда аудандық З.Қойшыбаева атындағы мәдениет үйінде Үшарал аудандық пайдалану бөліміне 50 жыл толуына орай салтанатты жиын өтті. Жиын барысында аудан әкімі А.Абдинов қызметкерлерді кәсіби мерекелерімен құттықтай отырып, жауынгерлік даярлықтарына сәттілік тіледі. Сондай-ақ, аудан әкімі атынан еліміздің өркендеуінде өз үлестерін қосып жүрген бірнеше қызметкерлерге алғыс хат табыс етті.

Келесі сөз кезегі әуе қорғаныс күштерінің қолбасшысы авиация генерал — майоры Р. Кунуровқа, ҚР Қарулы Күштері Әскери инфрақұрылым бас басқарма бастығының орынбасары подполковник Р. Найманбаевқа, Шығыс өңірлік қолбасшысының тәрбие және идеологиялық жұмыс жөніндегі орынбасары, полковник Д. Әжібаев, ҚР Қорғаныс Министрінің құрметті зейнеткері, полковник А. Базарқұловқа, Үшарал гарнизонының бастығы 40398 әскери бөлімінің командирі-полковник М. Нұржігітовке берілді.

Жиын барысында Үшарал аудандық пайдалану бөлімінің командирі атынан бірқатар қызметкерлерге алғыс хаттар мен мерекелік медальдар табысталды. Мерекелік іс-шара Қазақстан Республикасы Қарулы Күштері 40398, 15701 әскери бөлімдерінің және  аудан өнерпаздарының концерттік бағдарламаларымен жалғасты.

Ж.КУМПЕИСОВА.