Күрт еріген қардың кесірі күллі қазаққа уайым болып отыр. Бүгінде еліміздің бірқатар облысында жағдай нашарлап кетті. Соған байланысты ел президенті Қасым-Жомарт Тоқаев үндеу жасап, төтенше жағдайды өз назарында ұстап отырғанын жеткізді. 80 жылда ең ауыр тиген қарғын судың қатері елге қиын соққаны анық. Дегенмен мемлекет өз азаматтарын далада қалдырмайтынын жеткізді. Қасым-Жомарт Тоқаев зардап шеккен әр азамат ұмыт қалмайтынын айтып, бәрін қалпына келтіретінін түсіндірді. Жұмылса жұдырық болатын ауызбіршіліктің арқасында ауыртпашылықты еңсеріп, еңсемізді тік ұстайтын сәтке жетеміз. Президенттің бұйрығымен Қорғаныс министрлігі апатпен күреске қосымша күш жұмсамақ. Сондай-ақ зардап шеккендерге көмектесу үшін мемлекеттік материалдық резерв ие пайдаланады. Президент елмен бірге болса, елдің де еңсесі биік болмақ. Бейбіт күні баспанасы нан айырылған жұрт үкімет назарынан тыс қалмасын деп тілейміз.

А.САДИЕВ,
Республика партиясынан Жетісу облыстық мәслихатының депутаты.