Жетісу облысында экологиялық мәселелерді шешуге 2023-2025 жылдарға арналған жол картасы іске асуда. Экология департаменті басшысының орынбасары Жанасыл Сабырұлы, Жетісу облысының энергетика және тұрғын-үй коммуналдық шаруашылық басқарманың басшысы Айдос Бекетаев жәнеи де Текелі қаласы әкімінің орынбасары Ерлан Жетібаев жол картасының негізгі бастамаларын ұсынды. Экология департаменті жергілікті атқарушы органдармен бірлесе отырып, 2023-2025 жылдарға арналған жол картасын әзірледі. 2023-2025 жылға арналған экологиялық мәселелерді шешу жол картасында нақты 7 іс-шара көзделген. Оның ішінде 5-уі жыл сайын орындалып, 2-уі кезеңмен орындалуда. Жалпы 2023-2024 жылдарға арналған Жол картасы уақытылы орындалуы назарда болатынын Жетісу облысы бойынша экология департаменті басшысының орынбасары Жаңасыл Сабырұлы атап өтті.
Талдықорған қаласындағы «Басқуат» қазандығын кеңейту.
- 1978 жылдан бері салынып жатқан Талдықорған қаласындағы «Басқуат» қазандығы 85% — ға дейін тозған. Газға ауыстыру және қуаттылықты сағатына 210-нан 310 Гкал-ға дейін арттыру жоспарлануда. Жоба 2023-2024 жылдарға 524,2 млн теңге көлемінде қаржы алды.
- Елді мекендерді көгілдір газ отынына ауыстыру
- Өңірлік схема бойынша 2030 жылға дейін облыстың 192 елді мекенін газдандыру жоспарлануда. 2024 жылы газ тарату желілерінің жалпы ұзындығы 433 км болатын тағы 30 елді мекенді қосу жоспарлануда.
- Текелі қалдық қоймасын қалпына келтіру
- 1965 жылдан 2012 жылға дейін пайдаланылған Текелі қалдық қоймасы 134,9873 га аумақты қалпына келтіруді қажет етеді.жоба экологиялық тепе-теңдікті қалпына келтіруге бағытталған техникалық және биологиялық кезеңдерді қамтиды.
- Ақсу, Алакөл және Сарқан аудандарында полигондар салу
Қатты тұрмыстық қалдықтарды басқару бағдарламасы аясында жаңа полигондар салу және қолданыстағы полигондарды қалпына келтіру жоспарлануда. Жобалық құжаттаманы әзірлеу бекітілген мерзімдерге сәйкес жүргізіледі. - Өңірдің экологиялық жай-күйін мониторингілеу және бағалау
- Жетісу облысының экологиялық проблемаларын басқарудың кешенді тәсілі шеңберінде ауаның, су ресурстарының және топырақтың ластануына жүйелі мониторинг жүргізіледі. Деректерді бағалау одан әрі экологиялық инвестициялар мен іс-шаралардың басым бағыттарын анықтауға мүмкіндік береді.
Экологиялық білім беру бағдарламаларын құру және жұртшылықты тарту - Қоршаған ортаны қорғау саласында тұрақты нәтижелерге қол жеткізу үшін ағымдағы мәселелерді шешіп қана қоймай, жалпы жұртшылықтың қатысуы мен түсінуін қамтамасыз ету де маңызды. Экологиялық білім беру бағдарламаларын құру, қоғамдық консультациялар өткізу және жергілікті халықты тарту экологиялық саналы қоғамды қалыптастыруға ықпал етеді.
Бұл іс-шаралар экологиялық аспектілерді ескере отырып және болашақ ұрпақ үшін қолайлы орта құра отырып, Жетісу облысының тұрақты дамуына бағытталған. Оларды сәтті жүзеге асыру аймақтағы экологиялық жағдайды едәуір жақсартуға уәде береді.