«Таза Қазақстан» акциясының идеологиялық мазмұнын түсіндіру, қоршаған ортаны сақтау, вандализмге жол бермеу, тазалықты сақтауға және қоғамда экологиялық мәдениетті қалыптастыруға аудару, табиғатты ластаудан, қорлаудан аулақ болуға шақыру баршамыздың басты міндетіміз.

Осы орайда, Ақши ауылы, «Жалын» жазғы сауықтыру лагерінде «Alakol jastary» филиалының ұйымдастыруымен «Аlakol clean» атты сурет байқауы өткізілді.

«Таза Қазақстан» тақырыбына негізделген сурет салу байқауына «Жалын» жазғы-сауықтыру лагерінің демалушылары, әр ауылдық, округтің мектеп оқушылары ерекше қызығушылық танытып, белсене қатысты.

Байқауға Үшарал қаласы, педагог М.Мыңбайұлы атындағы орта мектебінің көркем еңбек пәнінің мұғалімі Қ. Имангалиев әділ төрелік етті.

Жастардың тәрбиесіне, тазалығына септігін тигізген байқау қорытындысы бойынша І орынды Айзере Омар, ІІ орынды Ардана Ардаққызы иеленсе, III орынды Айару Кемелбекова табан тіреді. Жеңімпаздар арнайы диплом және бағалы сыйлықтармен марапатталды.
@jetisu_akimdigi @alakol__jastary @usharal_uno @rsk_zhetysu @jetisu_jastary @zhetisu__uor @marlen_kolbaev