Жуырда аудан әкімінің орынбасарлары Д.Қанағатов пен А.Аханов өңір халқын қабылдап, олардың талап-тілегіне құлақ асты.

Оған тиісті бөлім, мекеме басшылары, құқық қорғау органдарының өкілдері қатысты.

Бұл жолғы қабылдауға барлығы 11 адам келді. Олардың дені тұрғын үй ау және әлеуметтік көмек алу мәселелерін көтерді.

Бүгінге таңда талай қазақстандықтың басты проблемасы саналатын баспана тақырыбын түбегейлі шешу мүмкін болмай тұр. Алайда ауданда осы бағытта тиісті шаралар қабылданып, қажетті жұмыстар атқарылуда. Соның ішінде Үшарал қаласының шығыс бөлігіндегі көп қабатты үйлер мен «7-20-25» бадарламасы аясында салынып жатқан баспаналарды айтуға болады. Тұрғындар сұрағына жуап берген өңір басшысының орынбасары Д.Қанағатов заң аясында, тіркелген тізім бойынша үй беріліп, уақыт өте келе бұл мәселе біртіндеп шешілетінін жеткізді.

Әлеуметтік көмек тақырыбына келер болсақ, тиісті бөлім басшыларына тапсырмалар беріліп, қойылған сұрақтар бойынша шаралар қабылдау тапсырылды.

Н.МАҚСАТҰЛЫ.