Аудан әкімдігінің мәжіліс залында Жетісу облысы Полиция департаментінің бастығы, полиция полковнигі Құсаинов Сарқытбай Зәкірұлы аудан халқымен кездесу өткізді.
Кездесуде С.Құсаинов Жетісу облысы Полиция департаментінің 2024 жылғы атқарылған жұмыстары туралы есеп беріп, 2025 жылғы жұмыс жоспарын қорытындылап өтті.
Айта кетерлігі, Республика бойынша полиция қызметінің атқарылған жұмыстарын қорытындылау аясында Жетісу облысы үздіктер қатарынан көрініп, жақсы нәтижелерге қол жеткізді.
Жиында Жетісу облысы полиция департаментінің кинолог қызметі орталығының кинолог мамандары арнайы қызметтік іздестіру иттерімен есірткі және жарылғыш заттарды табу туралы көріністерін ұсынды.
Сонымен қатар, облысымыздың қоғамдық тәртібі мен қауіпсіздігін қамтамасыз етуде белсенділік танытып, құқық бұзушылық профилактикасына үлес қосқан ауданымыздың бірқатар азаматтары Жетісу облысы Полиция департаментінің бастығы, полиция полковнигі Сарқытбай Зәкірұлының алғыс хатымен марапатталды.