Жуырда ғана мемлекет басшысы Қ.Тоқаев Ұлттық құрылтайдың кезекті отырысында еліміздің дамуына қажетті көптеген келелі мәселерді көтерген болатын. Соның ішінде туризм саласын дамыту бойынша кешенді жоспарларды әзірлеу тақырыбы да бар.

Алакөл жері өзінің тұмса табиғатымен, шипалы көлімен танымал. Ертеден емдік қасиеті аңыз-әңгімелердің ауаны бұлған киелі көл қазіргі таңда өңіріміздің атағына атақ үстеп, мерей-мәртебесін көтеріп отыр. Сол мүмкіндікті толығымен пайдалану қажет.

Қазіргі таңда көлге тартар тас жол толығымен бітті, темір және әуе жолдары тұрақты істеуде. Көл жағалауында заманауи демалыс орындары ашылып, сапалы қызмет те көрсетілуде. Инфрақұрылым реттелуде, жағаны бекіту мен қоқыс орындарын қалыпқа келтіру жұмыстары атқарылуда. Жылына 1,5 млн-нан астам турист қатынауда. Бұл үлкен жетістік. Сондықтан да қазіргі мүмкіндіктердің көкжиегін кеңейте отырып, алдағы уақытта туризм саласын дамытуға аса мән берген жөн.

А.ЕСЕНБЕКОВ,

«Алакөл» газетінің бас редакторы.