Túrlі dertke daýa, syrqatqa em bolǵan Alakóldіń shıpalyq qasıetterіn oblysymyz ǵana emes, kúllі respýblıka, tіptі álem halyqtary da bіledі. Tarıh qoınaýyna súńgіsek bunda Qabanbaı jasaǵy jaraqattarynan saýyǵyp, kól boıynda aptalap jatsa, aspan keńіstіgіn baǵyndyrǵan ǵaryshkerlerіmіz de osy jerde em-dom qabyldaǵan.

Endі mіne, jańa zamanda tolqyny týlaǵan kólge týrster mıllıondap aǵylýda. Bul bіr jaǵynan óńіr basshylyǵynyń osy salaǵa jіtі nazar aýdarýy men demalys oryndary men qyzmet kórsetý sapasynyń edáýіr óskendіgіn bіldіredі.

Bіraq «Barymen bazar» dep otyrýdyń qajetі shamaly. Osy rette oblstyq іshkі saıasat basqarmasy tarapynan Alakólge meımandar tartý maqsatynda belgіlі blogerler men jýrnalısterdі kól boıyna jıyp, «Alakol Open Air» tanymdyq semınaryn ótkіzdі.

Atalǵan jıynǵa oblystyq, respýblıkalyq telearnalar men gazetterdіń ókіlderі, júz myńdaǵan oqyrmandary bar tanymal blogerler qatysty.

Ekі kúnge sozylǵan semınar barysynda Aqshı aýylynyń aýmaǵy aralanyp, eń kórnektі demalys oryndary tamashalandy. Sonymen qatar jazýshy, bloger, kásіpker Erjan Rashev, vıdeograv, bloger Qyran Talapbek, jýrnalıst, bloger, kásіpker Beıbіt Álіbekov jınalǵandarǵa aranıy trenıng júrgіzdі.

Bloger E.Rashev óz sózіnde áleýmettіk jelіlerde oqyrman jınaý, olardy qyzyqtyra bіlý jáne jarııalymdardy bіrіzdіlіkke salmaı, únemі ózgerіster endіgіzіp, jetіlіp otyrý kerektіgіn jetkіzdі. Jáne de ózіnіń alǵash jaryq kórgen kіtabynyń shyǵý tarıhyna toqtalyp óttі.

«Kyran Films» ortalyǵynyń negіzіn qalaýshy Q.Talapbek óz іsіn bastaǵysy keletіn azamattar aldymen ne іsteý kerektіgіn jáne alda jolyqqan kedergіlerden moıymaı, kerіsіnshe joǵary kóterіle berýdіń tıіmdі joldaryn tіlge tıek ettі.

Jýrnalıst, bloger B.Álіbekov maqala jazýda eń aldymen taqyrybyna, artynsha mazmunyna mіn berýdі jáne pıar men jarnama jasaýdaǵy qatelіkter men artyqshylyqtardy jіpke tіzіp shyqty.

Jıyn barysynda jýrnalıster tarpynan da kóptegen suraqtar qoıylyp, tıіstі jaýaptar alyndy.

A.ESENBEKOV.