8 Наурыз – Халықаралық әйелдер күніне орай Жетісулық рухтастардың аналары «AMANAT» партиясының Атқарушы хатшысы Кәрібек Дәулет Жамаубайұлының Алғыс хатымен марапатталды! Сонымен қатар, өңіріміздегі жеке медициналық клиникалар мен орталықтардың өкілдеріне «AMANAT» партиясы Жетісу облыстық филиалының төрағасы Арын Арыстанғали Қадырұлының Алғыс хаты табысталды.
Тәуелсіз еліміздің ұл-қыздарын тәрбиелеп отырған барша әйелдер қауымын 8 Наурыз – Халықаралық әйелдер күнімен шын жүректен құттықтаймыз!
Сіздер әр шаңыраққа шаттық сыйлап қана қоймай, мемлекетіміздің дамуына, ел игілігіне өлшеусіз үлес қосып келесіздер. Бүгінде қыз-келіншектер қауымы білім, медицина, мәдениет, саясат, бизнес және басқа да сан алуан салада табысты еңбек етіп, өздерінің кәсіби шеберліктерімен, терең білімдерімен, мол тәжірибелерімен үлгі болуда.
Әлемге жылулық пен нәзіктік сыйлайтын сіздердің әрбір игі істеріңіз елге жақсылық, қоғамға өркендеу әкеледі. Сұлулықтарыңыз бен салиқалылықтарыңыз, даналықтарыңыз бен мейірімдеріңіз ешқашан сарқылмасын!
Көктемнің шуақты мерекесі құтты болсын!
«AMANAT» партиясы Жетісу облыстық филиалы.