Қазанның бесінші жұлдызында 5 ішкі істер органдары саласындағы маңдайалды қызметтің бірі – қылмыстық іздестірудің құрылғанына 100 жыл толды. Осы саланың білімді де білікті мамандары ғасырға жуық уақыт бойы еліміздің тыныштығы мен азаматтарымыздың қауіпсіздігін сақтай отырып, күн-түн демей қылмыспен күресіп келеді. Криминалдық полиция комитеті бұл айтулы датаны жақсы жетістіктермен қарсы алды деп айтуға болады.

Алакөл АІІБ-нің криминалдық полиция бөлімшесінің  жедел уәкілдері полиция капитаны А.Оспанов, полиция подполковнигі А.Кусембаев пен аға жедел уәкілі, полиция аға лейтенанты Н.Берікұлы, бөлімше бастығы, полиция капитаны М.Омаровтың тыңғылықты істері құқық тәртібін, қылмысқа қарсы күресті нығайту бойынша қабылданған ұйымдастырушылық және тәжірибелік шараларды орындауға және қоғамдық қауіпсіздікті қамтамасыз етуге өзіндік ықпалын тигізді.

Жалпы қылмыстарды, оның ішінде ауыр және аса ауыр қылмыстарын ашу көрсеткіші жақсарды, қылмыскерлерді ұстауда жоғары табыстарға қол жеткіздік.

Қылмыстық іздестіру – Қазақстан полициясының жетекші қызметтерінің бірі. Мұнда еңбек ету кез келген адамның қолынан келе бермейді. Тәулігіне 16-18 сағатқа дейін созылатын жұмыс режимі, түнгі «торуылдар», қауіпті сәттер, қылмыскерлермен бетпе-бет келу – осының бәрі жедел уәкілдің күнделікті жұмысы деп айтуға болады.

Осыған орай тұрғындар тыныштығы мен қауіпсіздігін сақтауда, түрлі дәрежедегі қылмыстардың уақытылы ашылуына түрткі болып жүрген азаматтарды жүз жылдық мерейтойларымен шын жүректен құттықтаймын. Сіздердің жауапты істеріңізге табандылық пен қырағылық, төзімділік пен кәсібилік тілеймін. Алдағы уақытта да халық мүддесі үшін қалқысыз қызмет етіп, абырой биігінен көріне беріңіздер.

А.АБРАХМАНОВ,

Аудандық ішкі істер бөлімінің бастығы, полиция подполковнигі.