Жуырда аудан әкімінің орынбасары А.Абдинов Елбасының «Болашаққа бағдар: рухани жаңғыру» атты мақаласының аясында 2019 жылы өңірімізде атқарылған жұмыстарды баяндау мақсатында брифинг өткізді.

Жиын барысында бағдарламалық мақаланың әр бағыты бойынша ауданда жүзеген асқан ауқымды шараларға шолу жасалып, алдағы жоспарлар легі таныстырылды.

Сөз алған аудан әкімінің орынбасары А.Абдинов: «Барлығымыз білетіндей Елбасының рухани кемелденуге жетелейтін мақаласы ел түсінігінде үлкен резонанс тудырған болатын. Міне, алғашқы күнінен бастап үлкен бастамаларға жол ашқан туындының жарық көргеніне екі жылдың шамасы болып қалды. Сол уақыт аралығында ауданда бірашама дүниелерге жан бітті. 2019 жылдың өзінде өңірімізде елдің әлеуметті жағдайын көтеруді көздеген талай шаралар түңлігін түрді»,- дей келе, өткен жылдағы ілкім істерді жіпке тізіп шықты.

Баяндамадан аңғарғанымыздай, 2019 жылы алакөлдіктер «Рухани жаңғыру» бағдарламасы аясында ұйымдастырылған біршама шаралардың куәгері болды. Қалталы азаматтар ауыл абанның көркеюіне атсалысса, қарапайым азаматтар да түрлі шараларда аса белсенділік танытқан. Бұл аудан халқының береке-бірілігі мен ынтымақ құмарлығының көрінісі деп білеміз.

Бір айта кетерлігі, брифинг әлеуметтік желілер арқылы тікелей эфирге шығарылды. Соның арқасында өңір жұртшылығы атқарылған жұмыстар жайында ақпарат алып, өз сұрақтарын да қоя алды.

Н.МАҚСАТҰЛЫ.