Қазақстан Республикасы шетелде тұратын этникалық қазақтарға «Ата жолы» картасын ұсынады. Бұл картаның басты мақсаты – шетелде тұратын қазақтардың тарихи Отанымен байланысын нығайтып, оларды елімізге тарту. Сонымен қатар, бұл шара Қазақстанның дамуына үлес қосатын мамандар мен кәсіпкерлерді елге шақыруға бағытталған.

«Ата жолы» картасы – шетелде тұратын этникалық қазақтарға Қазақстанда ұзақ уақыт тұруға мүмкіндік беретін құжат. Бұл карта иелеріне 10 жылға дейін елімізде тұрақты тұру, жұмыс істеу, сондай-ақ кәсіпкерлік қызметпен айналысу құқықтарын береді.

Сонымен қатар, «Ата жолы» картасы Қазақстанға белгілі бір мамандықтар мен кәсіпкерлік әлеуеті бар азаматтарды тартуды көздейді. Бұл картаның артықшылығы – иелеріне өздерінің кәсіби қызметін жүзеге асыруға және Қазақстан экономикасына белсене атсалысуға мүмкіндік береді.

«Ата жолы» картасын алу үшін шетелде тұратын этникалық қазақтар бірнеше талапқа сай болуы керек:

          1.       Мамандықтың болуы: Қазақстанда сұранысқа ие мамандықты меңгерген азаматтар, яғни ел экономикасына қажетті мамандар мен кәсіпкерлер.

          2.       Кәсіпкерлік: Өз елінде немесе шетелде кәсіпкерлік қызметпен айналысатын, бизнесі тіркелген азаматтар.

          3.       Құжаттар: Өтініш беруші өз елінен келіп, Қазақстанға тұрақты тұруға келісім алу үшін жеке куәлігі, білім мен біліктілігін растайтын құжаттары, кәсіпкерлік қызметті растайтын құжаттары, және ұлтты немесе азаматтығын растайтын құжаттарды ұсынуы тиіс.

«Ата жолы» картасын алу үшін азаматтар Қазақстанның шетелдегі дипломатиялық миссияларына немесе Қазақстандағы «Құтты мекен» мемлекеттік бағдарламасы арқылы өтініш бере алады. Өтініштерді қарау мерзімі шамамен бес жұмыс күнін құрайды.

«Ата жолы» картасы – этникалық қазақтардың өз тарихи Отанына оралуы үшін үлкен мүмкіндік.

Аудандық жұмыспен қамту және әлеуметтік бағдарламалар бөлімінің басшысы Айнагүл Садирбекова