Елімізде атом электр станциясының құрылысы белсенді түрде талқыланып жатқаны анық. Сарапшылар бұл жобаны қолдап, жоғары қауіпсіздікті қамтамасыз ететін соңғы буын заманауи реакторларына баса назар аударуда. Соңғы жылдары атом электр стансыларының пайдалану қауіпсіздігін арттыру бойынша көп жұмыстар атқарылды. Оны жақсарту жұмыстары әлі де жалғасуда. Бұл қарапайым халық үшін  түсініксіз болуы мүмкін, бірақ біз радиофобияны өткен уақытта қалдыруымыз керек.

Кейбір адамдардың санасында әлі Семей ядролық сынақ полигоны  мен Чернобыль оқиғасы қалыптасып қалған. Соның әсерінен, Қазақстанда АЭС салуға қарсылық білдіруде. Бірақ, екеуі екі бөлек дүние. Семей полигонында арнайы атом бомбасын жарды. Атом электр стансысында қолданатын уран ол атом бомбасы емес.

Соңғы жылдары энергия тұтыну жыл сайын артып, қоршаған ортаның нашарлауына байланысты бүкіл әлемнің энергетикалық бейнесі өзгеруде. Әлемде көптеген ел басқа энергия көздері болмаған соң баламалы энергияға көшуде.

Қазақстан – әлемдегі ең ірі уран өндіруші мемлекет. Уран өндіруден бірінші орында тұр. Яғни, уран бізде мол. Біздің еліміз уран өндіріп, шетелге экспорттайды. Бірақ, өзімізде АЭС жоқ. Сол уранды шетелге экспорттаудың орнына неге өз пайдамызға асырмасқа?.

Атом электр стансысы химия, биология, медицина және басқа да көптеген салаларда ғылыми-техникалық дамудың локомотиві болады. Сонымен қатар, бүгінгі күннің басты проблемасы жұмыссыздық мәселесі оң шешімін табары анық. Себебі, Атом электр станциясы салынса жаңа жұмыс орындары ашылып, халық тұрақты жұмыспен қамтамасыз етіледі. Жастарға көптеген үлкен мүмкіндік ашылады. Бұл еңбек нарығына және бүкіл аймақтың дамуына оң әсер ететіні сөзсіз.

Жұлдыз Төлеуғалиева