Еліміздің жаңа бет-бейнесін қалыптастыруда ресми түрде қабылданған «Қазақстан Республикасының Мемлекеттік рәміздері туралы» Конституциялық Заң  негіз болды.  Егемендіктің, халық пен биліктің біртұтастығын бейнелейтін, демократияның жетекші идеясы мен жалпыадамзаттық құндылықтарға ұмтылысты білдіретін, барлық қазақстандықтардың ерекше ұлттық мақтанышы — бұл мемлекеттік рәміздер — Елтаңба, Ту және Гимн.

Осы ретте аудандық ішкі саясат бөлімінің ұйытқы болуымен  Мемлекеттік рәміздердің пайда болуы және тарихтағы маңызы жайлы түсініктерді дамыту, қала тұрғындары мен жастарды Отансүйгіштікке, адамгершілікке, халқына адал қызмет етуге, тарихын білуге тәрбиелеу мақсатында ҚР Тәуелсіздігің 30 жылдығына және 4 маусым – Мемлекеттік рәміздер күніне орай «Мен елімнің символымен мақтанамын»  автошеруі өтті.

Мемлекеттік тумен безендірілген көліктер мерекенің ажарын ашқандай. Рәміздерді ұлықтауға арналған шеру Даңқ аллеясындағы Ту тұғырынан бастау алып Үшарал қаласының М.Дулепов, Төле би, Абылай хан, Д.Қонаев көшелерінде жалғасын тауып, Жеңіс көшесінің бойындағы Үшарал қалалық округі әкімдігіне келіп тоқтады. Шеру кезінде ұлттық нышандарымыздың ерекшеліктері, құндылықтары мен тарихы жайлы айтылды. Сонымен қатар аталмыш шараға ауданымыздағы жас еріктілер де  атсалысты.

 М.НҰРҚАСЫМОВА.