Құрметті отандастар!

Баршаңызға мəлім, қазір бүкіл əлем өте күрделі ахуалды бастан өткеруде.

Жаһан жұртын коро на вирустың таралуы алаңдатып отыр. Дүниежүзілік денсаулық сақтау ұйымы пандемия деп жа риялаған індет күннен-күнге ушығып барады.

Өкінішке қарай осы дерт біздің елімізде де тіркелді.

Денсаулық сақтау министрлігінің ресми мəліметіне сəйкес 9 азаматымыздан коронавирустың белгілері анықталды. Вирус жұқтырған азаматтар жəне олармен байланыста болған адамдар анықталып, дəрігерлердің бақылауына алынды.

Қазақстан көптеген елмен салыстырғанда ертерек қамданып, арнайы сарапшылар штабын жəне Үкімет деңгейінде ведомство аралық комиссия құрды. Індеттің таралуын болдырмау үшін арнайы жоспар жасалды.

Менің Жарлығыммен 2020 жылғы 16 наурызда таңғы сағат 8.00-ден бастап Қазақстанның ау ма ғында төтенше жағдай енгізілді.

Төтенше жағдай режімі 30 тəулікке созылады. Президент жанынан Мем лекеттік комиссия құрылды. Оны Премьер-Министр басқарады.

Барлық қажетті алдын алу шара лары жүзеге асырылады.

Қоғамдық тəртіп қатаң бақылауға алынады.

Көпшілік қатысатын іс-шаралар тоқтатылды.

Көптеген азаматымыздың алдағы мереке күндеріне орай жоспар құратынын түсінемін.

Дегенмен, бүкіл халықтың денсаулығы үшін осындай шешім қабылдап отырмыз.

Ірі сауда орындарының жұмысын шектеуге мəжбүрміз. Бірақ азық-түлік жəне аса қажеттіта уарлар сатылатын дүкендер, базарлар, соның ішінде сауда жəне ойын-сауық орталықтарында орналасқан нысандар өз жұмысын жалғастыра береді.

Базарлардың жұмыс істеу режімін жергілікті атқарушы органдардың ұсыныстары негізінде Мемлекеттік комиссия белгілейді.

Ойын-сауық орталықтары, кинотеатрлар, театрлар, көрмелер жə не жұртшылық көп баратын бас қа да орындар уақытша жабылады.

Оқушылар демалысқа жіберілді. Студенттер қашықтан оқыту жүйесіне көшті.

Сондай-ақ азаматтарымыз отбасылық іс-шараларды өткізбеген жөн деп санаймын.

Қазақстан Республикасының аумағына кіруге жəне шығуға шектеу қойылады.

Алайда бұл шара жүк тасымалына қатысты емес.

Мемлекеттік шекара бо йындағы өткізу бекеттерінде, вокзалдар мен əуежайларда санитарлық режім күшейтілді.

Менің тапсырмам бойынша Үкімет қорынан дəрі-дəрмек, тест-жүйелерін жəне зертханаға ар налған жабдықтарды алу үшін қаражат бөлінді.

Ауруханаларда орын жеткілікті.

Осы шаралардың барлығы – азаматтардың денсаулығы үшін жасалып отырған өте маңыз ды қадамдар. Мұны дұрыс түсінесіздер деп ойлаймын.

Сақтанғанды Құдай сақтайды.

Бұл індетпен күресуге толық мүмкіндігіміз бар екенін баса айтқым келеді.

Қиындықты бəріміз бір халық, бір қоғам болып міндетті түрде еңсеріп шығамыз.

Бұл – уақытша дүрбелең. Осы дағдарыстан абыроймен өтуіміз керек!

Енгізілген шектеулерге əр азамат жауапкершілікпен қарауы тиіс. Əр адам барынша сақтанып, вирустың таралмауына атсалысуы қажет.

Еліміздің барлық азаматы өкілетті органдардың қызметіне қолғабыс көрсетеді деп сенемін.

Осындай кезде бəріміз сабыр сақтап, тəртіпке бағынуымыз керек.

Дерттің алғашқы белгілері пайда болған жағдайда бірден тұр ғы лықты жердегі дəрігерге қаралу қажет.

Медициналық тексерістен бастартып, карантин режімін бұзған азаматтар жауапқа тартылады.

Ең алдымен, еліміздің азаматтары өзінің жəне жақындарының денсаулығына баса мəн беруі тиіс. Жеке гигиенаны сақтап, көпшілік жиналатын жерлерге бармаған жөн.

Бəріміздің азаматтық жауапкер шілігіміз осындай сəтте сыналады.

Мұндай күрделі кезеңде денсау лық саласының қызмет керлеріне зор сенім артылады.

Олар кəсіби біліктілік пен жанашырлық танытып, Азаматтардың денсаулығын сақтау үшін аянбай қызмет етеді деп сенемін.

Ардақты ағайын!

Бүгінде коронавирустың жаһандық экономикаға тигізген кері əсеріне куə болып отырмыз.

Бұл бүкілəлемдік экономика жүйесіне жаңаша көзқараспен қарау қажеттігін аңғартты.

Қазақстан да əлемнің бір бөлігі. Сондықтан біздің еліміз де осы ауқымды дағдарыстың салдарын сезінуде.

Дегенмен, осындай ахуалға қарамастан, біз экономикалық жағ дайды басты назарда ұстаймыз. Əлеуметтік мəселелердің ушығуына жəне жұмыссыздыққа жол бермейміз.

Елбасымыздың сарабдал сая сатының арқасында мемлекетіміздің халықаралық қорындағы қаражат шамамен 90 миллиард долларға жетті.

Бұл ұлттық экономиканың тұ рақтылығын сақтауға, барлық əлеу меттік міндеттемелерді орындауға кепілдік береді.

Біз бюджетті қайта қарап, ха – лық ты жұмыспен қамтуға жə не биз несті дамытуға баса мəн бере міз.

Отандық кəсіпкерлерді қолдау ға жəне жаңа жұмыс орындарын ашуға кемінде 300 миллиард теңге бөлінеді.

Бизнеске бөлінетін несие көле мінің азаюына жол беруге бол майды. Ішкі нарықты жандандырып, өндірісті ынталандыру үшін «Қарапайым заттар экономикасы» бағдарламасына арналған қаржы көбейеді.

Елімізде азық-түлік қоры жеткі лікті екеніне назар аударғым келеді.

Күнделікті тұтынатын тауар баға сын негізсіз қымбаттатуға жол берілмейді.

Менің тапсырмама сəйкес Үкі мет жəне барлық деңгейдегі əкім дер осы мəселені қатаң бақылауда ұстайды. Сондай-ақ мен «Əлеуметтік-эко номикалық тұрақтылықты қам тамасыз ету жөніндегі шаралар туралы» Жарлыққа қол қойдым.

Бұл құжат биліктің жəне мемлекеттік органдардың ұтымды жұмыс істеуіне жол ашады. Сондай-ақ дағдарыс жағдайында түрлі салаларға, соның ішінде салық жүйесіне қатысты шешімдерді жедел қабылдауға мүмкіндік береді.

Жарлық дəрі-дəрмек пен басқа да жабдықтарды жеңілдетілген тəртіппен сатып алуға жағдай жасайды. Бұл ретте отандық өндірушілерге басымдық беріледі.

Осылайша біз уақытты жəне қаражатты үнемдейміз. Мұның қалыптасып отырған төтенше жағдайдағы маңызы зор.

Біз ел-жұртты дүрліктіретін, аран дататын əрекеттерге тыйым саламыз.

Жалған ақпарат таратып, дүрбелең туғызатындар заңға сəйкес жауапқа тартылады.

Бұқаралық ақпарат құралдары, интернет-ресурстар тек ресми мəлі меттерге сүйеніп, жұмыс істеуі керек.

Біз осы жаһандық кеселге қарсы тұру үшін күш-жігеріміздің мықты екенін көрсетуіміз қажет.

Татулық пен тұтастықтың арқа сында кез келген қиындықтан шы ғуға болады. Сондықтан бəріміз бір адамдай жұмылып, қауіпті індетпен күресуіміз қажет.

Береке мен бірлік бəрін де жеңеді!

Қадірлі қазақстандықтар!

Біз – тарихымызда небір қиындықты бастан өткерген халықпыз.

Сол сынақтардан, ең алдымен, береке-бірліктің арқасында сүрінбей өттік.

Бүкіл халықты жұдырықтай жұ мы луға, сабыр сақтауға шақырамын.

Бұл күрделі жағдайды бəріміз бірге еңсереміз деп сенемін!

Халқымыз аман, жұртымыз тыныш болсын! Біз біргеміз!