Рухани жаңғыру – қазақстандықтардың салт-санасы мен дүниетанымын өзгертетін қозғаушы күш. Елбасы мақаласын оқи келе осындай ой түйдім. Ұлт көшбасшсының айтуынша, бұл ұлттық құндылықтарымызды ұмытпай, жаһандық жаңашылдыққа жетелейтін жол. Қазіргі қоғам өзіндік көзқарасы қалыптасқан зерделі де зерек тұлға тәрбиелеуі тиіс. Ол үшін ілім-білімге ұмтылып, жан-жақты жетілген жөн.

Ауданымыздағы келер ұрпақтың алдында ардың ісін арқалап жүрген зиялы қауым Елбасының мақаласында көтерілген мәселелерді ықыласпен түйсініп, сол бағыттарда жөнді істерін бастап та кетті. Олай дейтінім «Туған жер» бағдарламасы негізінде өңірімізді атымтай азаматтары мен атқамінер тұлғалары талай игілікті бастамалардың ұйытқысы болды.

Мақаладағы «Ұлттық салт-дәстүрлеріміз, тіліміз бен музыкамыз, әдебиетіміз, жоралғыларымыз, бір сөзбен айтқанда, ұлттық рухымыз бойымызда мәгңгілік қалуға тиіс» деген жолдардың астарында үлкен мағына жатыр. Шындығында ұлттық рухы жоғары, мәдениеті озық ел көп нәрсеге қол жеткізетіні анық. Және ұлттық бірегейлікті сақтау, ұлттық жаңғыру деген ұғымның өзі сананың кемелденуін қажет етеді. Ел басшысы төл мәдениетіміздің сақтай отырып қайта түлеу және ұлттың дамуына кедергі келтіретін өткеннің кертартпа тұстарынан бас тарту керектігін баса айтады.

Осы ретте мақаладағы бірнеше бөлім жас ұрпақты тәрбиелеуге дәл және уақытында айтылған нақты тапсырмалар деп білемін. Әрбір адамның жүрегінде кіндік қаны тамған жеріне, өскен ауылына, туған жеріне деген сүйіспеншілік, құрмет болмайынша – Отан деген ұлы ұғымға қызмет ету, жан дүниесімен беріле сүю екіталай. Сондықтан да қазіргі жастар, елдің дамуы жолында аянбай еңбек етіп, Қазақстанның қуатты мемлекетке айналуының тірегі болады деген сенімдемін.

А.ЫСҚАҚОВА

Ырғайты ауылдық округі жастар ісі жөніндегі әдіскер-нұсқаушысы.