ҚР Президенті Н.Назарбаевтың тапсырмасымен 2016 жылдың соңында Үкімет «Нұрлы жер» бірыңғай тұрғын үй құрылысы бағдарламасын әзірлеген болатын. Ол өз кезегінде қазақстандық отбасыларды қолжетімді тұрғын үймен қамтамасыз етуге арналған.
Бағдарламаның негізгі мақсаты халыққа баспананың қолжетімділігін одан әрі арттыруды қамтамасыз ететін тұрғын үй құрылысын дамыту мәселелерін кешенді шешу болып табылады.
«Нұрлы жер» мемлекеттік бағдарламасы ипотекалық несиелеуді қолдауғу негізделген. Ипотекалық несиелеу нарығын жандандыру мақсатында азаматтарға екінші деңгейлі банктердің алғашқы тұрғын үйді сатып алуға берілетін ипотеканың пайыздық мөлшерлемесінің бір бөлігін мемлекеттің субсидиялауы арқылы халықтың сұранысын ынталандыру қарастырылған. Бағдарлама сондай-ақ жеке үй салышуларды тұрғын үй құрылысына ынталандыруға бағытталған. Ол үшін қолжетімді кредиттік ресурстар енгізу болжанып отыр, бұл ретте мемлекет екінші деңгейлі банктердің жаңа тұрғын үй салуға беретін несиелері бойынша пайыздық мөлшерлеменің бір бөлігін субсидиялайды. Бұдан өзге, мемлекеттік бағдарлама аясында халықтың әлдеқайда әлеуметтік әлсіз топтарына арналған сатып алусыз жалдамалы тұрғын үйдің өңірлік қоры да құрылмақ.
Айта кетейік, «Нұрлы жер» бағдарламасы негізгі бес міндетті әске асыру арқылы халықтың тұрғын үй мәселесін кешенді шешуге бағытталған.
Олар:
- Халықтың әлеуметтік жағынан осал топтары үшін жалға берілетін тұрғын үй қорын құру;
- Жеке тұрғын үй құрылысын дамыту;
- Жеке құрылыс салушыларды тұрғын үй салуға ынталандыру;
- Ипотекалық кредит берудің қолжетімділіг арттыру;
- Тұрғын үй құрылыс жинақтары жүйесі арқылы өткізетін кредиттік тұрғын үй салу болып табылады.
Бұл ретте «Нұрлы жер» бағдарламасы аудан аумағында да жүзеге асып жатқандығы жайында айтуға болады. Үшарал қаласының шығыс беткейінде биыл 20 пәтерлі көпқабатты тұрғын үй аталған бағдарлама аясында қолданысқа берілсе, енді міне 60 пәтерлі үйдің құрылысы жүріп жатыр. Сондай-ақ алдағы жылдары тағы да 20, 60 пәтерлі үйлер бой көтеріп, басты мәселеген айналған баспана тақырыбы кезең-кезіңімен өз шешімін таппақ. Бұның барлығы елдің ертеңі, халықтың болашағы үшін істеліп жатқан шаралар деп білеміз.
А.ЖҰМАДІЛОВ,
аудандық құрылыс бөлімінің басшысы.