Жуырда Алакөл ауданының Мансап орталығының ұйымдастыруымен кең ауқымда бос жұмыс орындары жәрмеңкесі өтті.
Соңғы жылдары аудан экономикасында орасан зор өзгерістер орын алуда, атап айтқанда еңбек нарығындағы жұмыссыздық деңгейінің төмендеуі және жұмыспен қамтылған халықтың тұрақты өсуі байқалады. Жәрмеңке өткізудің мақсаты — жұмыс беруші мекемелер қажетті мамандар таңдауларына, ал жұмыс іздеушілерге жұмысқа орналасуларына, сұхбаттасып жүздесулеріне ықпал жасау. 
Шарада аудандық «Мансап» орталығының директоры Л.Қосантаева, «Amanat» партиясы аудандық филиалының төрағасы Қ.Көкебаев өңіріміздегі жұмыспен қамту мәселесі, соның ішінде аталған орталық пен партия тарапынан атқарылып жатқан игілікті істерді түртіп өтті.
Шараға Алакөл аудан әкімі аппараты, аудандық прокуратура, ШЖҚ «Алакөл аудандық орталық аурухана» МКК, АГТ колледжі, Тоқжайлау көп салалы колледжі, А.Байтұрсынов атындағы орта мектеп, Жанама орта мектебі, «Ақ-сағым ана» балабақшасы, ЖШС «Мерей-Әсем», ЖШС МҚҰ «KMF» мамандары және де жеке кәсіпкерлер қатысты.
Жәрмеңкеде бос жұмыс орындарымен қатар жұмысқа орналасу және мемлекеттік қолдау шараларына қатысу бағытында көптеген консультациялар беріледі. Бұл шараны жұмыссыздар мен жұмыс берушілер арасындағы алтын көпір деуге болады. Мұндай шаралар жұмыссыздықтың алдын алып, жас мамандарға көп мүмкіндіктер беруде.

Ж.КҮМПЕЙІСОВА.