Қазақстан Республикасының «Білім туралы» Заңына сәйкес және ҚР Білім және ғылым министрлігінің (бұдан әрі – Министрлік) нормативтік-құқықтық актілерінің негізінде ағымдағы жылдың маусымның жиырмасы мен шілденің жетісіаралығында мектеп бітірушілер үшін ұлттық бірыңғай тестілеу( бұдан әрі –ҰБТ) өткізіледі.

Бүгінде мектеп партасында отырған жасөспірім– ертеңгі ел азаматы. Сол жастардың білімін саралап, келешекке жолдама беретін тетік — ҰБТ.Оған дайындалу оқу қызметіндегі әр оқушының сабаққа үлгерімі, оның дербес ерекшеліктеріне, ойлауға, есте сақтауға, зейініне, жылдамдығына, жеке басының ерекшеліктеріне байланысты. Сапалы білім алу, нәтижелі іске бағытталу мақсатында  «Ұлттық бірыңғай тестілеуді өткізуді ұйымдастыру» барысына  тоқталар  болсақ, ауданымызда  693 түлектен 650-і өтініш беріп отыр.

Ата-аналарды және оқушыларды ҰБТ-ның ережесімен, жадынамасымен қосымша ақпараттандырып, әр оқушы  білім сапасын  басты назарға алу керектігі жайлы бағыт-бағдар беріліп, семинар-кеңестер өткізілді. Мектеп әкімшілігі, аудандық білім бөлімінің қызметкерлері оқушы және оның ата-анасымен  кездесе отырып, мынадай нақты деректер қорымен таныстырды.

• Биыл мектеп бітіруші түлектеріміз өз қалауы бойынша ҰБТ-ны қазақ тілінде, орыс тілінде және ағылшын тілінде тапсыра алады. 
• Шығармашылық емтихан 2 пәннен тапсырылады. (Оқу сауаттылығы және Қазақстан тарихы).Педагогикалықмамандықтарға түсугежоспарлағандарөзі таңдаған оқу орнында бір арнаулы емтихан (педагогикалықжағдайды шешу) тапсырады. Ол «ӨТТІ», «ӨТПЕДІ» деген критерийлер арқылы бағаланады.

Әр мектептің ҰБТ-ға өтініш берген оқушысы базаға енгізіліп, ережеге сай20.06-05.07 аралығында екі кезеңмен тест тапсырады. Сондықтан да әр оқушы ҰБТ-ның ереже-талаптарын нұсқаулық бойынша сақтауы тиіс екендігін, қандай жағдайда апелляцияға беруге болатынын және жауап парағындағы шеңберді дұрыс бояу керектігін ерекше айтып өткім келеді.  Тыйым салынған заттарға биыл ерекше бақылауда болатыны ескере отырып, биылғы оқу жылында бақылау камерасынан бөлек видеорегистраторлар(сөз жазылатын құрал)орнатылатынын және оған арнайы 1 адам бекітілетінін ескеріңіздер.

2019 жылғы тест тапсырмаларының қоры логикалық есептер енгізу арқылы өзгергендігі,оқушылардың ҰБТО,ҚР Білім және ғылым министрлігінің және AI тест,USTADY сайттарына кіріп тест тапсырмаларымен танысып,орындап, өз мүмкіндігін,  жан-жақты білімдерін толықтыру қажет екендігі жөнінен кеңес берілді.Білім гранты жайында медициналық мамандықтар бойынша ЖОО-на 65 – тен жоғары,Ұлттық ЖОО-на 65-тен жоғары балл көрсеткен жағдайда грант  иегері атануға мүмкіндігі бар.

Қорытынды аттестаттауда басты талап білім сапасына қойылатыныерекше екендігін  ескере  отырып,  бүгінгі күні оқушылардың дайындық жұмыстары жан-жақты пысықталып,сараланып,үнемі мектеп әкімшілігі, пән мұғалімдері және ата-аналары тарапынан қатаң қадағаланып отыру қажеттілігі  үздіксіз жүргізілуі тиіс.Барлық түлектерге, болашақ  мамандығын дұрыс таңдап,алдағы өмір жолында биік асуларға жетіңіздер деген тілек білдіргім келеді.

М.ТӨЛЕУЖАНОВ,

аудандық білім бөлімінің басшысы.