Бүгін «AMANAT» партиясы Алакөл аудандық филиалының мәжіліс залында Депутаттық фракция отырысы өтті. Күн тәртібінде : 1.«AMANAT» партиясы Алакөл аудандық филиалының бекітілген сайлауалды бағдарламасының 2025 жылға жоспарланған іс-шаралардың әрбір пунктіне мәслихат депутаттарын бекіту;
- Аудандағы елді мекендерді таза ауыз сумен қамтамасыз ету жұмыстары туралы. (тиісті бөлім басшыларын тыңдау). 3. Алакөл ауданы бойынша 14 ауылда 56 км жолдарды орташа және күрделі жөндеу туралы мәселелер қаралды. Күн тәртібіндегі мәселе бойынша Алакөл аудандық энергетика және тұрғын-үй коммуналдық шаруашылық бөлім басшысы Алмас Отанұлы Жұмабеков сөз сөйледі. Ол өз сөзінде Алакөл ауданында ауыз сумен қамтамасыз ету жұмыстарының нәтижелері айтарлықтай жетістіктерге жеткендігін жеткізді.
Айтар болсақ, 2024 жылы ауданымыздағы ауыз су жүйесу саласы бойынша 5 елді мекенде ауыз су жүйесін жаңғырту және қайта салу жұмыстары жүргізіліп, халық игілігіне пайдалануға берілді. Жалпы ұзындығы 114,9 шақырым су желісі жүргізіліп, Бибақан, Тоқжайлау, Теректі, Екпінді және Көктұма ауылының перспективалық аумақтары толықтай ауыз сумен қамтамасыз етілген.
2025 жылы Қоңыр және Лепсі ауылдарына жаңадан орталықтандырылған ауыз су құрылысын жүргізу, Теректі ауылындағы су сақтау резервуарын кеңейту жұмыстарын жүргізу жоспарлануда. Жалпы көлемі 50,4 шақырым су желісі жүргізілетіндігін айтты. Алакөл ауданы бойынша 14 ауылда 56 км жолдарды орташа және күрделі жөндеу туралы тоқталатын болсақ, Жол экономикамыздың күре тамыры. Аудан аумағында 1448,3 шақырым автокөлік жолдары бар. Оның 333 шақырымы республикалық маңыздағы, 534 шақырымы облыстық маңыздағы, 581,3 шақырымы аудандық маңыздағы жолдар.
2024 жылы ауданымыздағы 6 елді мекеннің 12 шақырым жолдары күрделі және орта жөндеуден өткізілді. Нәтижесінде аудандық маңыздағы жолдардың сапасы 61%-тен 65%-ке жетті.
2025 жылы 7 елді мекеннің(Қамысқала, Тоқжайлау, Жыланды, Үшарал, Архарлы, Ж.Балапанов, Қазақстан) 15 көшесіне орта жөндеу жұмыстары атқарылатыны айтылды.
Айдана АРҒЫМБЕКҚЫЗЫ,
аудандық партия филиалының консультанты