Жуырда «AMANAT» партиясы аудандық филиалының төрағасы Қ.Көкебаев «Еңбек адамы» жобасы аясында еңбек ардагерлерімен кездесті.
Еңбек адамына құрмет көрсету төңірегінде Президент өзінің халыққа арнаған Жолдауында ерекше атап өтті.  Партия осы бағытта «Еңбек адамы» жобасын іске қосып, жоба аясында еңбек адамдарын құрметтеу, олардың еңбегін кейінгі ұрпаққа насихаттау, жастарды адал еңбекке шақыруда көпшілікке үлгі болып келеді. Бүгінгі іс-шара соның бір көрінісі.
«Еңбек адамы» мәртебесін қалыптастыруда «AMANAT» партиясының да атқарып отырған рөлі зор. Партияның өңірдегі филиалы тұрақты түрде түрлі іс-шаралар ұйымдастырып, түрлі еңбек ұжымдарымен кездесулер өткізіп тұрады. Мұндай басқосуларда еңбек ұжымдары өздерінің мәселелерін айтып, халық қалаулыларына талап-міндеттерін жеткізіп жатады. Бастысы аталған талаптар еске алынып, басым көпшілігінде өз шешімін табуда.
Шара барысында ауданымызға еңбегі сіңген ардагерлеріміздің қызмет жолы, қызыққа толы ғұмыры жайлы сөз қозғалды. Сондай-ақ жас ұрпақты адал еңбек етуге, әрдайым ізденіс үстінде болуға шақырды.

Ж.СЕРІКҚАНҚЫЗЫ.