Өмірбаян

Оразалинов Бекзат Есенгелдіұлы 1983 жылы 31 шілдеде Алакөл ауданы Үшарал қаласында дүниеге келген. 2018 жылы І.Жансүгіров атындағы Жетісу мемлекеттік университетін экономика және бизнес мамандығы бойынша тәмамдаған.

2008-2010 жылдар аралығында Халыққа қызмет көрсету орталығы аудандық филиалының инспекторы.

02.2021-03.2021 жылдар аралығында  аудандық жолаушылар көлігі және автомобиль жолдары бөлімі бас маманының міндетін атқарушы.

03.2021-12.2021 аралығында жоғарыда аталған мекеменің бас маманы.

2021-2022 жылдар аралығында Жыланды ауылдық округі әкімдігінің ауыл шаруашылық жөніндегі бас маманы.

2022-2024 жылдар аралығында аудандық кәсіпкерлік бөлімінің бас маманы.

2024 жылдан осы уақытқа дейін Бескөл ауылдық округі әкімінің орынбасары.

Сайлауалды бағдарламасы:

Халықтың сенімі мен дауысына ие болған жағдайда алдағы 4 жылдықта төмендегі жұмыстарды жүзеге асырамын.

1.Жергілікті жердегі қоғамдық кеңес мүшелерімен бірлесе ауылдың өзекті мәселелерін шешу жолында тиісті жұмыстарды ұйымдастыру және жүзеге асыру.

2. Округте ауыл шаруашылығын дамыту, мал шаруашылығын асылдандыру, ауыл шаруашылығын дамытуға баағытталған мемлекеттік бағдарламалармен қамту;

3. Білім саласына басты назар аудару. Осы тұрғыда білім саласындағы қызметкерлермен үнемі байланыста болып, оқушылардың сапалы білім алуына жағдай жасау. Білім ошақтарына жөндеу жұмыстарын жүргізу, материалдық-техникалық базасын нығайту.

4. Басты байлық – халық денсаулығы. Осы тұрғыда округ тұрғындарына сапалы медициналық көмек көрсетуді басты назарда ұстау, ауыл тұрғындарының денсаулығын нығайтуға байланысты дәрігерлік қызметті күшейту жолдарын іздестіру.

5. Округ тұрғындарымен тұрақты байланыста болып, олардың талап-тілектерінің, өтініштерінің шешімін табуына күш салу.

6. Ауыл жастарының қайта даярлау курстарынан өтуіне, жұмыссыз азаматтар мен орта және шағын кәсіпкерлікпен айналысатын кәсіпкерлердің несие алып, өз істерін дамытуына ықпал жасау, қолдау көрсету.

7. Ауыл тұрғындары мен мектеп оқушыларының жүріп-тұруына, автокөлік қозғалысына ыңғайлы жағдай туғызу мақсатында ауыл ішіндегі көшелерге орта жөндеу жұмыстарын жүргізу, жергілікті маңызы бар жолдардың күтіп ұсталуына мән беру.

8. Ауылдың ішкі көшелеріне түнгі жарық шамдарын орнату.

9. Аз қамтылған отбасылар мен көп балалы аналарды, мүмкіндігі шектеулі, жалғыз басты жандарға демеушілерді тарту арқылы қайырымдылық көмектер көрсету.