Elіmіz shırek ǵasyrdy artqa tastap, tіzgіn ushymen belgіlengen ýaqytqa qaramaı jańa bet-beınesіn qalyptastyrdy. Ata-babamyzdan qalǵan salt-dástúrlerіmіz ben kıelі jerlerіmіzdі, іzgі qasıetterіmіzdі qaıta túletý ústіndemіz. Elіnіń bolashaq baǵdaryn baǵamdaǵan Elbasymyzdyń maqsaty júzege asyp jatyr. Prezıdent N.Nazarbaevtyń «Bolashaqqa baǵdar: rýhanı jańǵyrý» atty maqalasynda elіmіzdіń ary qaraı órkendeýі jáne aldaǵy jyldarǵa qoıylǵan maqsat-muraty týraly baıandalady. Atalmysh maqalada zamanǵa sáıkes jańǵyrý, onyń іshіnde rýhanı jańǵyrý máselesі jan-jaqty talqylanyp, taıaý jyldarǵa aýqymdy mіndetter qoıylyp otyr.

Bul mańyzdy saıası-ıdeologııalyq qujat. Sebebі bul maqalada ulttyq qundylyqtarymyz, memlekettіń ulttyq qurylymy, qazaq elіnіń tarıhı muralary týraly aıtylady. Bіzdіń búgіngі eń basty maqsatymyz – elіmіzdіń damyǵan alpaýyt otyz eldіń qatarynan qalys qalmaýy bolyp tabylady. Sondyqtan qoıylǵan maqsat muratymyz memeleketіmіzdіń, halyqtyń  úlken uly máselesі bolyp otyr.

Elbasy óz maqalasynda búgіngі kúnge deıіngі elіmіzde ekonomıkalyq damý men órkendeý jáne saıası reformalar máselesі qozǵalyp kelgenіn tіlge tıek etіp, endіgі ýaqytta negіzgі kóteretіn másele – rýh máselesі ekenіn atap ótken bolatyn. Ultyn súıgen azamattyń súıіspenshіlіgі men mahabbatynyń arqasynda ulttyq rýhymyz saqtalady. Dúnıe júzіndegі kóptegen ulttar ózderіnіń atalmysh máselege baılanysty  árkіmnіń jetegіne erіp ketkennіń keselіnen, ne bolmasa adamı, pendelіk adasýǵa tap bolyp jer betіnde  joıylyp, tek attary ǵana qalǵanyn tarıh betterіnen bіlemіz.

Bul baǵdarlama halqymyzǵa kerek. Óıtkenі ol rýhanı damýymyzdyń kepіlі. Oısha jeńgen jeńіske upaı berіlmeıdі. Mejelegen muratymyzǵa jetý úshіn aldymyzǵa qoıylǵan mіndetterdі іs-áreketіmіzben dáleldeý kerek. Sol ýaqytta ǵana memleketіmіz rýhanı jańǵyrady.

M.NURQASYMOVA.